Dinamalar

'கலாவதி' சாதனையை ஒரே நாளில் காலாவதி ஆக்கிய 'அரபிக்குத்து'

தென்னிந்திய அளவில் புதிய சாதனை என மகேஷ் பாபுவின் 'சர்க்காரு வாரி பாட்டா' படத்தின் முதல் சிங்கிளான 'கலாவதி' பாடலின் சாதனையை ஒரு நாள் கூட கொண்டாடவிடவில்லை 'அரபிக்குத்து'.

கடந்த சில நாட்களாகவே விஜய் ரசிகர்களுக்கும், மகேஷ்பாபு ரசிகர்களுக்கும் சமூக வலைத்தளங்களில் சண்டை நடந்து வந்தது. விஜய்யின் 'பீஸ்ட்' படத்தின் முதல் சிங்கிளான 'அரபிக்குத்து' பாடலும், மகேஷ்பாபுவின் தெலுங்குப் படமான 'சர்க்காரு வாரி பாட்டா' படத்தின் முதல் சிங்கிளான 'கலாவதி' பாடலும் நேற்று பிப்ரவரி 14 அன்று வெளியாகும் என அறிவித்தார்கள்.

ஆனால், 'கலாவதி' பாடலை ஒரு நாள் முன்னதாக பிப்ரவரி 13ம் தேதியன்றே வெளியிட்டார்கள். தென்னிந்திய அளவில் 'ஆல் டைம் ரெக்கார்டு' என 24 மணி நேரத்தில் 16 மில்லியன் பார்வைகள், 8 லட்சம் லைக்குகள் என 'சர்க்காரு வாரி பாட்டா' குழு கொண்டாட ஆரம்பித்தது. ஆனால், அவர்களது மகிழ்ச்சியும், கொண்டாட்டமும் சில மணி நேரங்கள் மட்டுமே நீடித்தது.

'கலாவதி' பாடல் 24 மணி நேரத்தில் படைத்த சாதனையை அடுத்த 24 மணி நேரத்திற்குள்ளாக 'பீஸ்ட்' சிங்கிளான 'அரபிக்குத்து' முறியடித்துவிட்டது. நேற்று மாலை யூ டியூபில் வெளியான இந்தப் பாடல் இதுவரையிலும் 20 மில்லியன் பார்வைகள், 2 மில்லியன் லைக்குகள் சாதனை என 17 மணி நேரத்திற்குள்ளாகவே மிகப் பெரிய சாதனையைப் படைத்துள்ளது.

தென்னிந்திய அளவில் 24 மணி நேரத்திற்குள் அதிகப் பார்வைகள், அதிக லைக்குள் என புதிய சாதனையைப் படைத்துள்ள' அரபிக்குத்து'. யு டியூப் சாதனைகளில் விஜய் பாடல்கள்தான் எப்போதுமே முன்னிலை என்பதை அவரது ரசிகர்கள் மீண்டும் நிரூபித்துவிட்டார்கள்.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி