Dinamalar

'வலிமை'யை பீட் செய்த 'பீஸ்ட்'

நெல்சன் இயக்கத்தில், அனிருத் இசையமைப்பில், விஜய், பூஜா ஹெக்டே மற்றும் பலர் நடிக்கும் 'பீஸ்ட்' படத்தின் முதல் சிங்கிளான 'அரபிக்குத்து' பிப்ரவரி 14ம் தேதியன்று யு டியூபில் வெளியானது. வெளியான 24 மணி நேரங்களுக்குள் தென்னிந்திய அளவில் அதிகப் பார்வைகளைப் பெற்ற பாடல் என்ற புதிய சாதனையைப் படைத்தது. அதற்கு ஒரு நாள் முன்னதாக மகேஷ் பாபு நடித்துள்ள 'சர்க்காரு வாரி பாட்டா' படத்தின் 'கலாவதி' பாடல் படைத்த சாதனையை உடனடியாக முறியடித்தது 'அரபிக்குத்து'.

பாடலுக்கு சிலர் கடுமையான விமர்சனங்களைக் கொடுத்தாலும் இளம் ரசிகர்களின் மத்தியில் இப்பாடலுக்கு பெரிய வரவேற்பு கிடைத்துள்ளது. வெளியான 5 நாட்களுக்குள்ளாகவே 50 மில்லியன் பார்வைகளைக் கடந்துவிட்டது.

அஜித் நடிப்பில் யுவன்ஷங்கர் ராஜா இசையமைப்பில் அடுத்த வாரம் வெளியாக உள்ள 'வலிமை' படத்தின் முதல் சிங்கிளான 'நாங்க வேற மாறி' பாடல் யு டியூபில் கடந்த ஆறு மாதங்களில் 44 மில்லியன் பார்வைகளைப் பெற்றுள்ளது. அந்த சாதனையை தற்போது 'அரபிக்குத்து' முறியடித்துள்ளது.

யு டியூபில் தென்னிந்திய அளவில் யுவன்ஷங்கர் ராஜா இசையமைத்த 'ரவுடி பேபி' பாடல் 1300 மில்லியன்களைக் கடந்து முதலிடத்தில் உள்ளது. கடந்த மூன்று வருடங்களாக அந்த சாதனையை எந்த ஒரு தென்னிந்தியப் படங்களின் பாடலாலும் முறியடிக்க முடியவில்லை என்பது குறிப்பிட வேண்டிய ஒன்று.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  வடமாநில இளைஞரை வெட்டிய போதை ஆசாமிகள் : மாரி செல்வராஜ் கடும் கண்டனம்
• 
  2025 முதல் வெற்றி 'மதகஜராஜா': கடைசி வெற்றி 'சிறை'
• 
  சூரியின் ‛மண்டாடி' படத்தில் இணைந்த இளம் நடிகர்!
• 
  ‛ஸ்பிரிட்' படத்தின் முதல் பார்வை எப்போது?
• 
  'பெத்தி' படத்தில் வயதான தோற்றத்தில் ஜெகபதி பாபு