Dinamalar

பிற மொழிகளில் கடும் போட்டியில் 'வலிமை'

அஜித், ஹுமா குரேஷி, கார்த்திகேயா மற்றும் பலர் நடிக்க யுவன் ஷங்கர் ராஜா இசையமைப்பில், வினோத் இயக்கத்தில் நாளை மறுநாள் வெளியாக உள்ள படம் 'வலிமை'. இப்படம் தமிழகத்தில் தனிப்பெரும் திரைப்படமாக வெளியாக உள்ளது. போட்டிக்கு இங்கு வேறு படங்கள் எதுவும் இல்லை. படத்தைத் தமிழைத் தவிர ஹிந்தி, தெலுங்கு, கன்னடம் ஆகிய மொழிகளிலும் வெளியிடுகிறார்கள்.

பொதுவாக அஜித் படங்களுக்கு மற்ற மாநிலங்களில் பெரிய அளவில் வரவேற்பு இருந்ததில்லை. இந்தப் படத்தில் தெலுங்கு நடிகரான கார்த்திகேயா வில்லனாக நடிப்பதாலும், ஹிந்தி நடிகை ஹுமா குரேஷி கதாநாயகியாக நடித்திருப்பதாலும் தெலுங்கு, ஹிந்தி மார்க்கெட்டில் படத்திற்கு வரவேற்பு கிடைக்க வாய்ப்புள்ளது. கர்நாடகா, கேரளாவில் தமிழர்கள் வசிக்கும் பகுதிகளில் பெரிய அளவில் எந்த போட்டியும் இல்லாமல் படம் வெளியாகிறது.

ஆனால், தெலுங்கு, ஹிந்தியில் 'வலிமை' படத்திற்குப் போட்டியாக இரு படங்கள் உள்ளன. தெலுங்கில் பவன் கல்யாண் நடித்துள்ள 'பீம்லா நாயக்', ஹிந்தியில் ஆலியா பட் நடித்துள்ள 'கங்குபாய் கத்தியவாடி' ஆகிய படங்கள் வெளியாகின்றன. இந்தப் படங்களுக்குத்தான் அவர்கள் முன்னிலை கொடுத்து அதிக தியேட்டர்களைக் கொடுத்துள்ளார்களாம். அதனால், ஆந்திரா, தெலங்கானா, வட இந்தியாவில் 'வலிமை' படம் குறைவான தியேட்டர்களில்தான் வெளியாகிறதாம். படம் நன்றாக இருந்தால் அப்படங்களை மீறி 'வலிமை' வசூல் சாதனை புரிய வாய்ப்புள்ளது.

• 
  'எக்ஸ்க்ளுசிவ் ஒப்பந்தம்' : 'வார் 2' செய்வது சரியா ?
• 
  சிறையில் இருக்கும் நடிகை ரன்யா ராவின் வளர்ப்பு தந்தைக்கு மீண்டும் ...
• 
  அவுட்டோர்களுக்கும் தலையணையுடன் பயணிக்கும் ஜான்வி கபூர்
• 
  ‛தி இன்டர்ன்' பட ரீமேக்கில் இருந்து விலகிய தீபிகா படுகோனே
• 
  காதல் கிசுகிசு எதிரொலி: கிரிக்கெட் வீரர் முகமது சிராஜிக்கு ராக்கி கட்டிய ...

• 
  திரையுலகில் 50 ஆண்டுகள் : ரஜினிகாந்த்துக்கு இபிஎஸ், உதயநிதி, பிரேமலதா ...
• 
  கூலி படத்தில் ரஜினிக்கு ஜோடி கிடையாதா?
• 
  மைக்கை வைத்துவிட்டு வெளியேறட்டுமா? : வார் 2 விழாவில் டென்ஷனான ஜூனியர் ...
• 
  பிளாஷ்பேக்: திரைக்கதை வசனம் எழுதிய ரஜினி; வெள்ளித்திரையில் மின்னத் தவறிய ...
• 
  அபினய்-க்கு உதவிய தனுஷ்