Dinamalar

இரண்டாவது வாரத்தில் 'வலிமை'

வினோத் இயக்கத்தில், அஜித்குமார், ஹுமா குரேஷி, கார்த்திகேயா மற்றும் பலர் நடித்து வெளிவந்த 'வலிமை' படம் கடந்த வாரம் வெளிவந்தது. இப்படம் இரண்டாவது வாரத்தைத் தொட்டுள்ளது.

கடந்த சில மாதங்களாகவே பெரும் எதிர்பார்ப்புடன் வெளிவந்த படம். இரு வேறு விதமான விமர்சனங்கள் படத்திற்கு வெளிவந்தன. அஜித் ரசிகர்கள் படம் நன்றாக இருப்பதாகச் சொன்னார்கள். அதே சமயம், விமர்சகர்கள் சுமாரான படம் என்றும், அஜித்தின் எதிர் தரப்பினர் மிகச் சுமாரான படம் என்றும் விமர்சித்தார்கள்.

இருப்பினும் படம் மூன்றே நாட்களில் 100 கோடி வசூலித்ததாக செய்திகள் வெளிவந்தன. பல ஏரியாக்களில் படம் எதிர்பார்த்த அளவிற்கு வசூலித்துள்ளதாக வினியோகஸ்தர்களும், தியேட்டர்காரர்களும் தங்கள் மகிழ்ச்சியை ஏற்கெனவே வெளிப்படுத்தியுள்ளனர். 2022ம் ஆண்டின் முதல் பிளாக்பஸ்டர் படம் என்றும் கோலிவுட் வட்டாரங்கள் தெரிவிக்கின்றன.

கடந்த வாரம் தனியொரு படமாக வெளிவந்த இப்படத்திற்கு இரண்டாவது வாரத்திலும் பெரிய போட்டி எதுவுமில்லை. நேற்று 'ஹே சினாமிகா' படம் மட்டுமே வெளிவந்துள்ளது. அடுத்த வாரம் மார்ச் 10ம் தேதிதான் 'எதற்கும் துணிந்தவன், ராதேஷ்யாம்' ஆகிய படங்கள் வெளிவருகின்றன. அதற்குள் இந்தப் படம் முடிந்தவரையிலும் வசூலித்துவிடும் என்கிறார்கள்.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்