Dinamalar

விஜய், மகேஷ்பாபு மீண்டும் போட்டி

தமிழ் சினிமாவில் விஜய் எப்படியோ, அப்படித்தான் தெலுங்கில் மகேஷ்பாபு. இருவரது ரசிகர்களும் அடிக்கடி சமூக வலைத்தளங்களில் சண்டை போட்டுக் கொள்வார்கள். மகேஷ்பாபுவின் சில படங்களை விஜய் தமிழில் ரீமேக் செய்து நடித்ததில் ஆரம்பித்த சண்டை தற்போது வெவ்வேறு வடிவங்களில் போய்க் கொண்டிருக்கிறது.

விஜய் நடித்து அடுத்து வெளிவர உள்ள படம் 'பீஸ்ட்'. மகேஷ்பாபு நடித்து அடுத்து வெளிவர உள்ள படம் 'சர்க்காரு வாரி பாட்டா'. இப்படத்தின் முதல் சிங்கிளான 'கலாவதி' பாடலை கடந்த மாதம் பிப்ரவரி 13ம் தேதி யு டியுபில் வெளியிட்டனர். வெளியிட்ட 24 மணி நேரத்தில் 16 மில்லியன் பார்வைகளைப் பெற்று புதிய சாதனையைப் படைத்தது. ஆனால், மறுநாள் 'பீஸ்ட்' பாடலின் முதல் சிங்கிளான 'அரபிக்குத்து' வெளியாக அந்த சாதனையை உடனடியாக முறியடித்தது. 'அரபிக்குத்து' பாடல் 24 மணி நேரத்தில் 17 மில்லியன் பார்வைகளைப் பெற்றது. அப்போதைய போட்டியில் மகேஷ் பாபுவை முந்தி விஜய் சாதனை படைத்தார்.

இப்போது மீண்டும் அப்படி ஒரு போட்டி ஏற்பட உள்ளது. 'பீஸ்ட்' படத்தின் இரண்டாவது சிங்கிளான 'ஜாலிலோ ஜிம்கானா' இன்று வெளியாகிறது. 'சர்க்காரு வாரி பாட்டா'வின் இரண்டாவது சிங்கிளான 'பென்னி' பாடல் நாளை யு டியூபில் வெளியாகிறது. இப்பாடலில் மகேஷ்பாபுவின் மகள் சித்தாரா நடித்துள்ளார். இரண்டாவது சிங்கிள் போட்டியில் விஜய், மகேஷ்பாபு இருவரில் யாருடைய படம் சாதனை படைக்கப் போகிறது என்ற போட்டி மீண்டும் ஏற்பட்டுள்ளது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா