Dinamalar

தெலுங்கில் அதிகமாகும் பான்-இந்தியா ஹீரோக்கள்

'பான்-இந்தியா' என்ற பரபரப்பு 'பாகுபலி 2' படத்தின் வெற்றிக்குப் பிறகுதான் பிரபலமானது. அந்தப் படத்தில் நாயகனாக நடித்த பிரபாஸ் அதன் மூலம் பான்--இந்தியா ஹீரோவானார். அதற்கடுத்து அவர் நடித்து வெளிவந்த 'சாஹோ' ஹிந்தியில் மட்டுமே ஓடியது. சமீபத்தில் வெளிவந்த 'ராதேஷ்யாம்' நெகட்டிவ் விமர்சனங்களை மட்டுமே பெற்றது. இருப்பினும் அடுத்தடுத்து நான்கைந்து பான்--இந்தியா படங்களில் நடித்து வருகிறார் பிரபாஸ்.

தெலுங்கில் தயாராகி கடந்த வருடம் டிசம்பரில் வெளிவந்த 'புஷ்பா' படமும் பான்--இந்தியா படமாக வெளியாகியது. எதிர்பார்ப்பையும் மீறி அப்படம் ஹிந்தியிலும் மற்ற மொழிகளிலும் நல்ல வசூலைப் பெற்றது. அப்படத்தின் மூலம் நாயகனாக நடித்த அல்லு அர்ஜுன் பான்--இந்தியா ஹீரோவானார்.

இப்போது அந்த வரிசையில் இன்னும் இரண்டு ஹீரோக்கள் சேர்ந்துள்ளனர். ராஜமௌலி இயக்கத்தில் நேற்று வெளிவந்த 'ஆர்ஆர்ஆர்' படம் முதல் நாளிலேயே நல்ல வரவேற்பைப் பெற்றுவிட்டது. அப்படத்தில் நடித்த ராம்சரண், ஜுனியர் என்டிஆர் இருவருமே இப்போது பான்--ஹீரோக்கள் ஆகிவிட்டனர்.

பிரபாஸ், அல்லு அர்ஜுன், ராம்சரண், ஜுனியர் என்டிஆர் ஆகியோரைத் தொடர்ந்து அடுத்த பான்--இந்தியா ஹீரோ வரிசையில் காத்திருப்பவர் விஜய் தேவரகொன்டா. அவர் நடித்து வரும் 'லிகர்' படம் பான்--இந்தியா படமாக வெளிவர உள்ளது. அதற்குள் தெலுங்கில் வேறு யாராவது பான்--இந்தியா ஹீரோவாக மாறுவார்களா என்பது தெரியவில்லை.

இருப்பினும் ஏப்ரல் 13 அன்று வெளியாக உள்ள 'பீஸ்ட்' படம் பான்--இந்தியா படமாக வெளிவருவதால் விஜய், பான்--இந்தியா ஹீரேவாக உயர்வாரா என்பதைப் பொறுத்திருந்து பார்க்க வேண்டும். ஏப்ரல் 14ல் வெளியாக உள்ள கன்னடப் படமான 'கேஜிஎப் 2' மூலம் தன்னுடைய பான்--இந்தியா அந்தஸ்தை யாஷ் இன்னும் உயர்த்திக் கொள்வார் என்ற எதிர்பார்ப்பு உள்ளது.

• 
  தேனீ வாயில் புகுந்ததால் கரிஷ்மா முன்னாள் கணவர் மரணம்?
• 
  இரண்டு மனைவிகளுடன் விவகாரத்து : வெளிப்படையாகப் பேசிய அமீர்கான்
• 
  கரிஷ்மா கபூர் முன்னாள் கணவர் திடீர் மரணம்
• 
  'பெங்கால் பைல்ஸ்' என டைட்டில் மாற்றப்பட்ட 'டெல்லி பைல்ஸ்'
• 
  தந்தையின் 70வது பிறந்தநாளில் 75 பாட்மின்டன் பயிற்சி மையங்களை துவங்கிய ...

• 
  விரைவில் இயக்குனராகும் பார்த்திபன் மகன் ராதாகிருஷ்ணன்
• 
  தயாராகிறார் அடுத்த கேப்டன்
• 
  ரஜினிகாந்த்தை நேரில் சந்தித்த அபிஷன் ஜீவிந்த்
• 
  காமெடி நடிகராக மாறிய திரிஷ்யம் வில்லன் நடிகர்
• 
  'முத்த மழை' வீடியோ வெளியான பின்பும் சர்ச்சை