Dinamalar

'பீஸ்ட்' டிரைலர் ரிலீஸ் : 'பிகில்' சாதனையை முறியடிக்குமா?

நெல்சன் திலீப்குமார் இயக்கத்தில், அனிருத் இசையமைப்பில், விஜய், பூஜா ஹெக்டே மற்றும் பலர் நடித்துள்ள 'பீஸ்ட்' படத்தின் டிரைலர் நாளை மறுதினம் ஏப்ரல் 2ம் தேதி மாலை 6 மணிக்கு யு டியூபில் வெளியாக உள்ளது.

இப்படத்தின் இரண்டு பாடல்கள் ஏற்கனவே வெளியாகி ரசிகர்களிடம் நல்ல வரவேற்பைப் பெற்றுள்ளன. இந்நிலையில் கடந்த சில நாட்களாகவே 'பீஸ்ட்' டீசர், டிரைலர் பற்றிய அப்டேட்டுகளை விஜய் ரசிகர்கள் கேட்டு வந்தனர். அவர்களின் கோரிக்கைக்கு ஏற்பட பட நிறுவனம் டிரைலர் பற்றிய அப்டேட்டை வெளியிட்டது.

விஜய் நடித்து இதற்கு முன்பு வெளிவந்த 'மாஸ்டர்' படத்திற்கு டீசர் மட்டுமே வெளியிடப்பட்டது. 2020 நவம்பரில் வெளியான அந்த டீசர் 72 மில்லியன் பார்வைகளை இதுவரை பெற்றுள்ளது. தமிழ்ப் பட டீசர்களில் அதிகப் பார்வைகளைப் பெற்று நம்பர் 1 இடத்தில் உள்ளது. அதற்கடுத்த இரண்டு இடங்களிலும் விஜய் நடித்த படங்கள் தான் உள்ளது. 'மெர்சல்' டீசர் 46 மில்லியன் பார்வைகளுடன் இரண்டாவது இடத்திலும், 'சர்க்கார்' டீசர் 45 மில்லியன் பார்வைகளுடன் மூன்றாவது இடத்திலும் உள்ளது.

தமிழ் சினிமா டிரைலர்களில் விஜய் நடித்து வெளிவந்த 'பிகில்' டிரைலர் 56 மில்லியன் பார்வைகளுடன் முதலிடத்தில் உள்ளது. இப்போது 'பீஸ்ட்' டிரைலர் வெளியாக உள்ளது. தமிழ் சினிமாவில் இதுவரை வெளிவந்த டீசர்களில் நம்பர் 1 இடம், டிரைலர்களில் நம்பர் 1 இடம் என்ற சாதனைகள் விஜய் வசம்தான் உள்ளது.

இதுவரை எந்த ஒரு தமிழ் சினிமாவின் டீசர், டிரைலர் ஆகியவை 100 மில்லியன் சாதனையைப் படைக்கவில்லை. அந்த சாதனையை 'பீஸ்ட்' டிரைலர் புரியுமா அல்லது 'பிகில்' சாதனையை மட்டும் முறியடிக்குமா என்பது விரைவில் தெரிந்துவிடும்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...