Dinamalar

டாக்டர் ராஜசேகர் குடும்பத்திற்கு இன்று டபுள் ரிலீஸ்

அரசியலைப் போல சினிமாவிலும் வாரிசுகள் அதிகம். அதிலும் குறிப்பாக தெலுங்குத் திரையுலகத்தில் ஒவ்வொரு பிரபலத்தின் குடும்பத்திலும் வாரிசுகள் சினிமாவில் உள்ளனர். அந்த விதத்தில் உள்ள ஒரு குடும்பம் டாக்டர் ராஜசேகர் குடும்பம்.

தமிழ் சினிமாவில் வில்லனாக அறிமுகமாகி தெலுங்கில் ஹீரோவாக பல வெற்றிப் படங்களைக் கொடுத்தவர் டாக்டர் ராஜசேகர். அவருடைய மனைவி ஜீவிதா நடிகை, தயாரிப்பாளர், இயக்குனர் பல திறமைகளை உள்ளடக்கியவர். அவர்களுக்கு ஷிவானி ராஜசேகர், ஷிவாத்மிகா ராஜசேகர் என இரண்டு மகள்கள். இருவருமே தமிழ், தெலுங்கில் நடித்து வருகின்றனர்.

இன்று இவர்களது குடும்பத்தினருக்கு தமிழ், தெலுங்கில் தலா ஒரு படம் வெளியாகி உள்ளது. கணவர் ராஜசேகர் கதாநாயகனாக நடிக்க, ஜீவிதா ராஜசேகர் இயக்க, மகள் ஷிவானி ராஜசேகர் முக்கிய கதாபாத்திரத்தில் நடித்துள்ள 'சேகர்' படம் தெலுங்கில் இன்று வெளியாகி உள்ளது. மலையாளத்தில் வெளிவந்த 'ஜோசப்' படத்தின் தெலுங்கு ரீமேக்தான் இந்தப் படம். படத்திற்கு நல்ல விமர்சனம் வந்து கொண்டிருக்கிறது.

ஷிவானி ராஜசேகர் முக்கிய கதாபாத்திரத்தில் நடித்துள்ள 'நெஞ்சுக்கு நீதி' படம் தமிழில் இன்று வெளியாகி உள்ளது. இப்படத்திற்கும் விமர்சனங்கள் நல்ல விதமாகவே வந்து கொண்டிருக்கிறது. ஷிவானி இதற்கு முன்பு தமிழில் 'அன்பறிவு' படத்தில் கதாநாயகியாக நடித்துள்ளார். இன்றைய நாள் டாக்டர் ராஜசேகர் குடும்பத்திற்கு மறக்க முடியாத ஒரு நாளாக அமைந்துள்ளது.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!