Dinamalar

இந்த வாரப் போட்டியில் டப்பிங் படங்கள் மட்டுமே…

2022ம் ஆண்டு ஆரம்பமானது முதல், ஒவ்வொரு வாரத்திலும் நேரடி தமிழ்ப் படங்கள் வந்து கொண்டு இருக்கின்றன. இந்த வருடத்தில் இதுவரையில் குறிப்பிடும் அளவில் நேரடி தமிழ்ப் படங்களான “எப்ஐஆர், வலிமை, எதற்கும் துணிந்தவன், செல்பி, பீஸ்ட், காத்து வாக்குல ரெண்டு காதல், டான், நெஞ்சுக்கு நீதி, விக்ரம்” ஆகிய படங்கள் சொல்லும் அளவிலான வெற்றியைப் பெற்றுள்ளன. அந்த நேரடி தமிழ்ப் படங்களோடு, டப்பிங் படங்களான 'ஆர்ஆர்ஆர், கேஜிஎப் 2' ஆகிய படங்களும் நல்ல வசூலைப் பெற்றுள்ளன.

தொடர்ந்து இடைவிடாமல் படங்கள் வெளிவந்து கொண்டிருந்த சூழ்நிலையில் இந்த வாரம் நேரடி தமிழ்ப் படங்களுக்கு சற்றே இடைவெளி வரும் எனத் தெரிகிறது. இந்த வார வெள்ளிக்கிழமை ஜுன் 10ம் தேதியன்று குறிப்பிடத்தக்க தமிழ்ப் படங்கள் எதுவும் வெளியாகவில்லை. மாறாக டப்பிங் படங்களான 'அடடே, சுந்தரா' மற்றும் '777 சார்லி' ஆகிய படங்கள் வெளியாக உள்ளன.

தெலுங்கில் தயாராகி தமிழில் டப்பிங் செய்யப்பட்டுள்ள படம் 'அடடே, சுந்தரா'. நானி, நஸ்ரியா, நதியா, ரோகிணி, அழகம் பெருமாள் உள்ளிட்டவர்கள் இப்படத்தில் நடித்துள்ளார்கள். கன்னடத்தில் தயாராகி தமிழில் டப்பிங் ஆகி வரும் படம் 'ரரர சார்லி'. ரக்ஷித், சங்கீதா சிருங்கேரி, சார்லி என்ற நாய் இப்படத்தில் நடித்துள்ளார்கள். இந்த வாரம் இந்த இரண்டு டப்பிங் படங்களுக்கு இடையேதான் போட்டி நிலவப் போகிறது.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  ஜூன் 13ல், 500 தியேட்டர்களில் படை தலைவன் ரிலீஸ்
• 
  டூரிஸ்ட் பேமிலி : கன்னட நடிகர் சுதீப் பாராட்டு
• 
  ஜனநாயகன் படத்தின் தமிழக தியேட்டர் உரிமையில் கடும் போட்டி
• 
  அர்ஜுன் தாஸின் நீண்ட நாள் கனவு நனவாகியது
• 
  ஹாலிவுட் யுனிவர்ஸ் பாணியில் உருவாகும் பென்ஸ் : இயக்குனர் பாக்யராஜ் ...