Dinamalar

ரூ.300 கோடியை நோக்கிப் பயணிக்கும் 'விக்ரம்'

தமிழ் சினிமாவில் மிக அதிக பொருட்செலவில் எடுக்காத ஒரு படம், அதிக வசூலைப் பெற்று, அதிக லாபத்தைக் கொடுக்கப் போகிறது. அந்தப் படம் 'விக்ரம்'. இதற்கு முன்பு ரஜினிகாந்த் நடித்த '2.0' படம்தான் அதிக பொருட்செலவில் தயாரிக்கப்பட்ட படம். சுமார் 500 கோடி ரூபாய் செலவில் தயாரிக்கப்பட்டு 600 கோடி ரூபாய் வசூலித்த படம். அவ்வளவு செலவு செய்து எடுக்கப்பட்டும் லாபத்தைக் கொடுக்காத படமாக அமைந்தது '2.0'. அப்படம்தான் தமிழில் இதுவரையிலும் அதிக வசூலைக் குவித்துள்ள படமாக இருக்கிறது.

இப்போது 'விக்ரம்' படம் இரண்டாவது இடத்தைப் பிடிக்கும் படமாக இடம் பிடிக்க உள்ளது. அதே சமயம் முதலிடத்தில் உள்ள படத்தைக் காட்டிலும் அதிக லாபத்தைக் கொடுத்த படம் என்ற சாதனையை நிகழ்த்த உள்ளது. இப்படம் தற்போது தமிழகத்தில் 110 கோடி, கேரளாவில் 25 கோடி, தெலங்கானா, ஆந்திராவில் 22 கோடி, கர்நாடகாவில் 17 கோடி, வெளிநாடுகளில் 90 கோடி, வட இந்தியாவில் 6 கோடி என மொத்தமாக 270 கோடி வசூலைக் கடந்துள்ளது.

வார இறுதி நாட்களான நேற்றும், இன்றும் இப்படம் பெரும்பாலும் ஹவுஸ்புல்லாகவே இருக்கிறது. அதனால், அடுத்த சில நாட்களில் இப்படம் 300 கோடி வசூலைக் கடக்கும் என்று எதிர்பார்க்கப்படுகிறது. கமல்ஹாசன் நடித்த படம் ஒன்று இந்த அளவிற்கு வசூலைக் குவித்து புதிய சாதனையைப் படைப்பது தமிழ்த் திரையுலகினரையும் மகிழ்ச்சியடைய வைத்துள்ளது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  ரிலீசில் ரிகார்டு!: வசூலில் பெரும்பாடு: தமிழ் சினிமாவில் ரூ.2000 கோடியை ...
• 
  'டாக்சிக்' படத்தின் அனுபவம் குறித்து ருக்மணி வசந்த்!
• 
  விஜய் முடிவை மாத்தணும்.. மீண்டும் நடிக்கணும்: நடிகர் நாசர் கோரிக்கை
• 
  'ஜனநாயகன்' பாடல் வெளியீட்டு விழாவில் விஜய் பேசியது என்ன? மறந்தது என்ன?
• 
  தியேட்டரை மட்டும் நம்பாதீங்க: 2025 சொல்லி கொடுத்த பாடம்