Dinamalar

மதுரையில் நடக்கும் இளையராஜா இசை நிகழ்ச்சியில் பாடப்போகும் வடிவேலு

இளையராஜா தற்போது விடுதலை, நட்சத்திரம் நகர்கிறது, துப்பறிவாளன் 2, தமிழரசன், மாயோன், மாமனிதன் உள்பட பல படங்களுக்கு இசையமைத்து வருகிறார். இப்படி சினிமாவில் பிசியாக இசையமைத்து வரும் இளையராஜா, வெளிநாடு, உள்நாடு என அவ்வப்போது பிரம்மாண்ட இசை நிகழ்ச்சிகளும் நடத்தி வருகிறார். சென்னை, கோவையை தொடர்ந்து வருகிற ஜூன் 26ல் இசையென்றால் இளையராஜா என்ற பெயரில் மதுரையில் அவர் ஒரு இசை நிகழ்ச்சியை நடத்த உள்ளார்.

இந்த நிகழ்ச்சியில் நடிகர் வடிவேலுவும், இளையராஜாவின் இசையில் தான் பாடிய பாடல்களை பாட உள்ளார். இது குறித்து வடிவேலு ஒரு வீடியோ வெளியிட்டுள்ளார். அந்த வீடியோவில், ‛‛நான் பிறந்த மதுரை மீனாட்சி பட்டினத்திற்கு எங்கள் இசைஞானி கச்சேரி நடத்துவதற்கு வருகிறார். அதை கேட்டவுடன் மிகுந்த மகிழ்ச்சியாக இருந்தது. நானும் அந்தக் கச்சேரிக்கு கண்டிப்பாக வருகிறேன். தரையில் பாடிக்கொண்டிருந்த என்னை திரையில் பாட வைத்தவர் இளையராஜா தான். நான் திரையில் புகுந்து விளையாடுவதற்கு அவர் தான் காரணம். பாட்டு பாடுவதற்கும் எனக்கு பிள்ளையார் சுழி போட்டது ஐயா இளையராஜா தான். மதுரை இசை நிகழ்ச்சியில் இசைஞானி இளையராஜா முன்பு பாடி உங்கள் அனைவரையும் சந்தோசப்படுவேன். இந்நிகழ்ச்சியில் பங்கேற்பதில் எனக்கு மிக்க மகிழ்ச்சி என்று அந்த வீடியோவில் தெரிவித்திருக்கிறார் வடிவேலு. இந்த நிகழ்ச்சி ஜூன் 26ம் தேதி ஞாயிற்றுக்கிழமை, மதுரை ஒத்தக்கடை பகுதியில் நடைபெறுகிறது.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!