அரபி பாடலை பாடிய மம்தா மோகன்தாஸ்

20 ஜூலை, 2022 - 12:58 IST

0 கருத்துகள் கருத்தைப் பதிவு செய்ய

எழுத்தின் அளவு:

தமிழில் விஷால் நடித்த சிவப்பதிகாரம் படத்தின் மூலம் கதாநாயகியாக அறிமுகமானவர் மம்தா மோகன்தாஸ். அடிப்படையில் பின்னணி பாடகியான இவர் தமிழ், மலையாளம் ஆகிய மொழிகளில் பல பாடல்களை பாடியுள்ளார். இந்த நிலையில் சமீபத்தில் அரபு மொழியில் ஒரு பாடலை பாடியுள்ளார் மம்தா. ஆனால் இது எந்த படத்திற்காகவும் அல்ல.. சமீபத்தில் அபுதாபியில் நடைபெற்ற ஒரு விருது வழங்கும் விழாவில் கலந்து கொண்ட மம்தா மோகன்தாஸை மேடையில் பாடுமாறு விழாக்குழுவினர் கேட்டுக்கொண்டனர்.

அப்போது மேடையேறிய மம்தா அரபு மொழியில் ஹிட்டான ஒரு பாடலை பாடி அரங்கில் இருந்தோரின் கைதட்டலை அள்ளினார். அதேசமயம் இவர் பாடிய இந்த பாடல் வீடியோ இதுவரை எங்கேயும் வெளியாகாமல் இருந்தது. இந்த நிலையில் மம்தா மோகன்தாஸின் ரசிகர் ஒருவர், அவர் மேடையில் பாடிய அந்த வீடியோவை சோசியல் மீடியா மூலமாக அவருக்கு பகிர்ந்துள்ளார்.

இந்த பாடல் கிடைத்த மகிழ்ச்சியில், “இதுநாள் வரை இந்த பாடல் கிளிப்பிங் எங்கேயாவது கிடைக்காதா என தேடிக்கொண்டிருந்தேன். ரசிகர் ஒருவர் மூலமாக அது என்னை தேடி வந்தபோது மிகப்பெரிய அளவில் ஆச்சரியமடைந்தேன். ஏனென்றால் நான் பாடியது என்னுடைய பேவரைட் அரபு பாடல்களில் ஒன்று. அரபு உலகம், கலாச்சாரம், உணவு, மொழி எல்லாமே எனது இதயத்துக்கு மிக நெருக்கமான ஒன்று என்று கூறியுள்ளார் மம்தா மோகன் தாஸ்.

மம்தாவை பொருத்தவரை அவர் மலையாளி ஆக அறியப்பட்டாலும் அவர் பிறந்து வளர்ந்தது எல்லாமே அரபு நாடுகளில் ஒன்றான பக்ரைனில் தான் என்பது குறிப்பிடத்தக்கது.

Mamtamohandass

கருத்துகள் (0) கருத்தைப் பதிவு செய்ய

பிறந்தநாளில் பிகினியில் இன்ப ...

தனுஷுக்காக எழுதிய கதையில் நடித்த ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய