Dinamalar

‛இந்தியன் 2'வை பொங்கலுக்கு ரிலீஸ் செய்ய திட்டம்

கமல் நடித்து பெரிய வெற்றி பெற்ற இந்தியன் படத்தின் 2ம் பாகம் கடந்த 2 ஆண்டுகளுக்கு முன்பு தொடங்கியது. பல்வேறு பிரச்னைகள் காரணமாக தாமதமான இந்த படத்தின் பணிகள் இப்போது சுறுசுறுப்பாக தொடங்கி உள்ளது. இதற்கு காரணம் உதயநிதி. இந்த படத்தின் தயாரிப்பு பணியில் இப்போது உதயநிதியின் ரெட் ஜெயன்ட் நிறுவனமும் இணைந்துள்ளது. இதனால் படப்பிடிப்பும் தொடங்கி உள்ளது.

சித்தார்த், காஜல் அகர்வால், சுகன்யா, ரகுல் ப்ரீத்திசிங், ப்ரியா பவானி சங்கர், சமுத்திரகனி, டெல்லி கணேஷ் உள்பட பலரது நடிப்பில் உருவாகும் இந்த படத்திற்கு அனிருத் இசையமைக்கிறார். விவேக் மரணம் அடைந்து விட்டதால் அவர் கேரக்டர் மட்டும் குருசோம சுந்தரமாக மாற்றப்பட்டுள்ளது.

தற்போது கமல்ஹாசன் தனது காதி நிறுவனத்தின் புரமோசன் பணிகளுக்காக அமெரிக்கா சென்றுள்ளார். அதனுடன் இந்தியன் 2வுக்காக சேனாதிபதி தாத்தாவின் தோற்றத்திற்காகவும் பல ஆலோசனைகளையும் பெற்று வருகிறார்.

இந்த நிலையில் கமல்ஹாசனோ, உதயநிதியோ முக்கிய நடிகர்களோ இல்லாமல் படத்தின் இரண்டாவது பூஜை நேற்று சென்னையில் நடந்தது. இதில் ஷங்கர் கலந்து கொண்டார். தற்போது கமல் இல்லாத காட்சிகள் படமாக்கப்படுகிறது. கமல் வந்ததும் அவர் தொடர்பான காட்சிகள் படமாக்கப்படுகிறது. படத்தை 2023 பொங்கலுக்கு திரைக்கு கொண்டு வரும் இலக்கில் பணிகள் முடுக்கி விடப்பட்டிருப்பதாக கூறப்படுகிறது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா