Dinamalar

பெண்டுலம் டைட்டிலில் ஒரே நேரத்தில் உருவாகும் 2 படங்கள்

ராட்சசன், அசுரன் ஆகிய படங்களில் நடித்து பிரபலமானவர் அம்மு அபிராமி. இவர் தற்போது பெண்டுலம் என்கிற சைக்காலஜிக்கல் திரில்லர் படத்தில் கதாநாயகியாக நடிக்கிறார். எட்டு முக்கிய பாத்திரங்களை மையப்படுத்தி உருவாகும் இந்தப்படத்தை சதீஷ் குமரன் என்பவர் இயக்குகிறார். அடிப்படையில் ஒளிப்பதிவாளரான இவர் ஷங்கர் இயக்கிய ஐ படத்தின் மேக்கிங் கேமராமேனாக பணியாற்றியவர். இந்தப் படத்தின் துவக்க விழா பூஜை இருதினங்களுக்கு முன் நடைபெற்றது.

இந்தநிலையில் மலையாளத்திலும் இதே போல பெண்டுலம் என்கிற ஒரு படத்தின் பெயரில் உருவாகிவரும் ஒரு படத்தின் பர்ஸ்ட் லுக் போஸ்டரையும் அதேநாளில் வெளியிட்டுள்ளார்கள். கடந்த சில மாதங்களுக்கு முன் மலையாள துணை நடிகை ஒருவரின் பாலியல் புகார் குற்றச்சாட்டுக்கு ஆளாகி, வெளிநாட்டுக்கு சென்று தலைமறைவாகி, பின்னர் கேரளா திரும்பி பரபரப்பை ஏற்படுத்திய தயாரிப்பாளரும், நடிகருமான விஜய்பாபு இந்த படத்தில் நாயகனாக நடித்துள்ளார்.

கடந்த 2012ல் மலையாளத்தில் மம்முட்டி நடிப்பில் கோப்ரா என்கிற படம் வெளியானது. தற்போது தமிழில் அதே பெயரில் விக்ரம் நடிப்பில் கோப்ரா என்கிற படம் வெளியாகியுள்ளது. இந்த இரண்டு படங்களுக்கும் இடையே பத்து வருட இடைவெளி இருந்தது. ஆனால் தமிழில் தயாராகும் ஒரு படத்தின் பூஜை நடைபெற்ற அதே நாளில், மலையாளத்தில் அதே டைட்டிலில் வேறு ஒரு இயக்குனரின் டைரக்ஷனில் வேறொருவர் நடிக்கும் படத்தின் பர்ஸ்ட் லுக்கும் வெளியானது அதிசயமான நிகழ்வு தான்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...