Dinamalar

தெலுங்கில் 'ரேட்டிங்' குறைந்த 'பிக் பாஸ் சீசன் 6'

தமிழ் மற்றும் தெலுங்கில் 'பிக் பாஸ்' நிகழ்ச்சி கடந்த 2017ம் ஆண்டு ஆரம்பமானது. தமிழில் கடந்த ஐந்து சீசன்களாக கமல்ஹாசன்தான் தொகுத்து வழங்கினார், ஆறாவது சீசனையும் அவரேதான் தொகுத்து வழங்கப் போகிறார்.

தெலுங்கில் முதல் சீசனை ஜுனியர் என்டிஆர், இரண்டாவது சீசனை நானி ஆகியோர் தொகுத்து வழங்கினர். கடந்த நான்கு சீசன்களாக நாகார்ஜுனாதான் தொகுத்து வழங்கி வருகிறார். இந்த ஆண்டிற்கான ஆறாவது சீசன் செப்டம்பர் 4ம் தேதியன்று ஆரம்பமானது. மொத்தம் 20 பேர் போட்டியாளர்களாக பிக் பாஸ் வீட்டிற்குள் உள்ளார்கள்.

முந்தைய சீசன்களைப் போலவே இந்த ஆறாவது சீசனுக்கும் வரவேற்பு இருக்கும் என்று எதிர்பார்க்கப்பட்டது. ஆனால், டிவி ரேட்டிங்கில் மிகக் குறைவான வரவேற்பே கிடைத்துள்ளது. முந்தைய ஐந்து சீசன்களில் ஆரம்பத்தில் சராசரியாக 16 டிவி ரேட்டிங் கிடைத்த நிலையில் இந்த ஆறாவது சீசனின் ஆரம்பத்திற்கு அதில் பாதியாக வெறும் 8 ரேட்டிங் மட்டுமே கிடைத்துள்ளதாம்.

தமிழிலும் கமல்ஹாசன் தொகுத்து வழங்க ஆறாவது சீசன் விரைவில் ஆரம்பமாக உள்ளது என அறிவித்துள்ளார்கள். தெலுங்கைப் போலவே தமிழிலும் இறங்கு முகம் இருக்குமா அல்லது முந்தைய சீசன்களைப் போலவே வரவேற்பு இருக்குமா என்பது நிகழ்ச்சி ஆரம்பமான பின் தெரிந்துவிடும்.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  ஷங்கர் மகனுக்கு ஜோடியாகும் இளம் நாயகி
• 
  குருநாதருக்கு நன்றி செலுத்தும் மிஷ்கின்
• 
  அடுத்த ஆண்டாவது ஒலிக்குமா என் இனிய தமிழ் மக்களே
• 
  கூலி படத்துக்கு விமர்சனம் : மவுனம் கலைத்த லோகேஷ் கனகராஜ்
• 
  தனுஷை தொடர்ந்து கார்த்தியை இயக்கும் எச்.வினோத்?