Dinamalar

‛வாத்தி' ரிலீஸ் தேதி வந்த மறுநாளே ‛நானே வருவேன்' ரிலீஸ் தேதி அறிவிப்பு

அண்ணன் செல்வராகவன் இயக்கத்தில் தனுஷ் இரண்டு வேடங்களில் நடித்துள்ள படம் ‛‛நானே வருவேன்''. எல்லி அவ்ரம், இந்துஜா உள்ளிட்டோர் நடித்துள்ளனர். யுவன் ஷங்கர் ராஜா இசையமைத்துள்ளார். தாணு தயாரித்துள்ளார். சமீபத்தில் டீசர் வெளியாகி வரவேற்பை பெற்றது. இரண்டு வேடங்களில் தனுஷ் நடித்திருப்பதால் படம் மீதான எதிர்பார்ப்பு அதிகமாகி உள்ளது. மேலும் நீண்ட இடைவெளிக்கு பின் செல்வராகவன் - தனுஷ் - யுவன் கூட்டணி இணைந்திருப்பதும் படம் மீதான ஆர்வத்தை தூண்டி உள்ளது.

படப்பிடிப்பு முடிந்து மற்ற பணிகள் விறுவிறுப்பாக நடந்து வருகின்றன. இம்மாதம் இறுதியில் படம் வெளியாகும் என கூறியிருந்தனர். ஆனால் தேதியை வெளியிடாமல் இருந்தனர். அதேசமயம் தனுஷ் நடித்துள்ள மற்றொரு படமான வாத்தி படத்தின் ரிலீஸ் நேற்று அறிவிக்கப்பட்டது. இந்த படம் டிச., 2ல் வெளியாக உள்ளது. இந்நிலையில் வாத்தி ரிலீஸ் வந்த மறுநாளே, அதாவது இன்று(செப்., 20) நானே வருவேன் படத்தின் ரிலீஸ் தேதியையும் அறிவித்துள்ளனர். அதன்படி இந்த படம் வருகிறது செப்., 29ல் தமிழ், தெலுங்கில் தியேட்டர்களில் வெளியாகிறது.

நானே வருவேன் ரிலீஸாகும் படத்திற்கு மறுநாள் மணிரத்னம் இயக்கி உள்ள பிரமாண்ட சரித்தி படமான பொன்னியின் செல்வன் 5 மொழிகளில் இந்திய முழுக்க வெளியாவது குறிப்பிடத்தக்கது.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்