துணிச்சல் முயற்சி : ஹனிரோஸிற்கு குவியும் பாராட்டுக்கள்

24 அக், 2022 - 11:11 IST

0 கருத்துகள் கருத்தைப் பதிவு செய்ய

எழுத்தின் அளவு:

தமிழில் 'சிங்கம்புலி' படத்தில் ஜீவாவுக்கு ஜோடியாக நடித்தவர் மலையாள நடிகை ஹனிரோஸ். ஆரம்பத்தில் மலையாளத்தில் சின்னச்சின்ன ரோலில் நடித்துக் கொண்டிருந்த இவருக்கு, ஒருகட்டத்தில் வரிசையாக நடித்த படங்கள் எல்லாம் ஹிட் அடிக்க, மலையாளத்தில் முக்கியமான நடிகையானார் ஹனிரோஸ். திடீரென அவரது திரையுலக பயணத்தில் ஒரு சிறிய இடைவெளி ஏற்பட்டாலும் தற்போது அதிரடியாக ரீஎன்ட்ரி கொடுத்துள்ள ஹனிரோஸ் சமீபத்தில் சுந்தர்சி ஜோடியாக வெளியான பட்டாம்பூச்சி என்கிற படத்தில் கதாநாயகியாக நடித்திருந்தார்.

இந்த நிலையில் தற்போது புலி முருகன் டைரக்டர் வைசாக் இயக்கத்தில் மோகன்லால் நடிப்பில் வெளியாகியுள்ள மான்ஸ்டர் படத்தில் கதாநாயகியாக நடித்துள்ளார் ஹனிரோஸ். சமீபத்தில் வெளியான இந்த படத்தில் பல நடிகைகள் ஏற்று நடிக்க தயங்கும் சவாலான லெஸ்பியன் கதாபாத்திரத்தில் துணிச்சலாக நடித்துள்ளார் ஹனிரோஸ். அவர் மட்டுமல்ல தெலுங்கு நடிகையான லட்சுமி மஞ்சுவும் இதே போன்ற கதாபாத்திரத்தில் ஹனிரோஸுக்கு இணையாக நடித்திருந்தார். இந்தநிலையில் படம் பார்த்த பலரும் ஹனிரோஸ் நடிப்பை வெகுவாக பாராட்டி வருகிறார்கள்.

இந்த படத்தில் நடித்தது குறித்து ஹனிரோஸ் கூறும்போது, “இயக்குனர் வைசாக் என் மீது நம்பிக்கை வைத்து இந்த கதாபாத்திரம் கொடுத்ததற்காக அவருக்கு தான் என் முதல் நன்றியை தெரிவிக்க வேண்டும். இதுவரை மோகன்லாலுடன் பல படங்களில் நடித்திருந்தாலும், இந்த படத்தில்தான் படம் முழுவதும் அவருடன் பயணிக்கும் விதமாக முதன்முறையாக நடித்துள்ளேன் என்பது கூடுதல் மகிழ்ச்சி. இது போன்ற வித்தியாசமான, நடிப்புக்கு தீனி போடுகின்ற சவாலான கதாபாத்திரங்களில் தொடர்ந்து நடிக்க ஆசைப்படுகிறேன்” என்று கூறியுள்ளார்.

Honeyrose

கருத்துகள் (0) கருத்தைப் பதிவு செய்ய

மாமன்னன் பின்னணி இசை வேலைகளை ...

வெல்டிங் டூ ஆக்டிங் - ‛போலீஸ்' ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய