Dinamalar

அஜித் ஜோடியாக 5வது முறையாக இணையும் திரிஷா

நடிகர் அஜித் தற்போது எச்.வினோத் இயக்கத்தில் தனது 61வது படமான 'துணிவு' படத்தில் நடித்து வருகிறார். இப்படத்தின் படப்பிடிப்பு முடிவடைந்து டப்பிங் பணிகள் துவங்கியுள்ளன. போனி கபூர் தயாரித்துள்ள துணிவு படத்தை, பொங்கல் பண்டிகைக்கு வெளியிடுவதாக அறிவித்துள்ளனர். விஜய்யின் 'வாரிசு' படமும் பொங்கலுக்கு வெளியாகிறது.

'துணிவு' படத்திற்குப் பிறகு, இயக்குநர் விக்னேஷ் சிவனுடன் 'ஏகே 62' படத்தில் நடிக்க ஒப்பந்தமாகியுள்ளார் அஜித். இதற்கான முதற்கட்ட அறிவிப்பு மே மாதம் வெளியிடப்பட்டது. இருப்பினும், படத்தில் நடிக்கும் மற்ற நடிகர்கள், குழுவினர் மற்றும் தயாரிப்பு பற்றிய அதிகாரப்பூர்வ அறிவிப்பு இன்னும் வெளியாகவில்லை.

படத்தின் ஸ்கிரிப்டை விக்னேஷ் சிவன் முடித்துவிட்டதாகவும், படத்தின் ப்ரீ புரொடக்ஷன் பணிகள் பிப்ரவரி 2023ல் தொடங்கும் என்றும் முன்னதாக தெரிவிக்கப்பட்டது. தற்போது, நடிகை திரிஷா இப்படத்தில் கதாநாயகியாக நடிக்க உள்ளதாக தகவல் வெளியாகியுள்ளது. 'ஏகே 62' படத்தின் கதாநாயகியாக நடிக்க திரிஷாவை தயாரிப்பாளர்கள் அணுகியுள்ளதாக தகவல்கள் தெரிவிக்கின்றன.
இந்த செய்தி உண்மையானால், 'ஜீ', 'கிரீடம்', 'மங்காத்தா', 'என்னை அறிந்தால்' ஆகியப் படங்களைத் தொடர்ந்து திரிஷா, அஜித்துடன் நடிக்கும் ஐந்தாவது படம் இதுவாகும்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ஒரே வாரத்தில் பரபரப்பை ஏற்படுத்திய நடிகர்கள்
• 
  24 மணி நேரத்தில் 'ஜெயிலர்' சாதனையை முறியடித்த 'கூலி' டிரைலர்
• 
  'கூலி' : அமெரிக்க பிரிமீயர் முன்பதிவில் 1 மில்லியன் வசூல்
• 
  தெலுங்குத் திரையுலகத்தில் இன்று முதல் ஸ்டிரைக்
• 
  'ஏஐ' மூலம் மாற்றப்பட்ட கிளைமாக்ஸ்: தனுஷ் எதிர்ப்பு