Dinamalar

அடுத்தடுத்து தமிழில் நடிக்கும் தெலுங்கு நடிகர் சுனில்

தெலுங்குத் திரையுலகத்தின் முன்னணி நகைச்சுவை நடிகர்களில் ஒருவர் சுனில். கடந்த 20 ஆண்டுகளுக்கும் மேலாக தெலுங்கில் பல முன்னணி கதாநாயகர்களுடன் பல வெற்றிப் படங்களில் நடித்துள்ளார். ராஜமவுலி இயக்கத்தில் வந்த 'மரியாத ராமண்ணா' படத்தில் கதாநாயகனாகவும் நடித்துள்ளார். அந்தப் படம் தான் தமிழில் சந்தானம் நடிக்க 'வல்லவனுக்கு புல்லும் ஆயுதம்' என்ற பெயரில் ரீமேக் ஆனது. மேலும், 'அந்தால ராமுடு, பூலகங்காடு, தடாகா, ஜக்கண்ணா' உள்ளிட்ட சில படங்களிலும் கதாநாயகனாக நடித்துள்ளார்.

கடந்தாண்டு பான் இந்தியா படமாக வெளிவந்து வெற்றி பெற்ற 'புஷ்பா' படத்தில் 'மங்களம் சீனு' என்ற கதாபாத்திரத்தில் வில்லனாக நடித்தும் மிரட்டியிருந்தார். அவர் தற்போது தமிழில் அடுத்தடுத்து இரண்டு முக்கிய படங்களில் நடிக்கும் அறிவிப்பு நேற்று வெளியானது.

ராஜு முருகன் இயக்கத்தில், கார்த்தி நடிக்கும் 'ஜப்பான்' படத்தில் சுனில் நடிக்க உள்ளதாக நேற்று அப்படத்தின் பூஜை முடிந்ததும் அறிவித்தார்கள். அதன்பின் நேற்று மாலையில் மடோன் அஸ்வின் இயக்கத்தில் சிவகார்த்திகேயன் நடிக்கும் 'மாவீரன்' படத்திலும் சுனில் நடிக்கிறார் என்ற அறிவிப்பை வெளியிட்டார்கள். ஒரே நாளில் தமிழில் இரண்டு படங்களில் சுனில் நடிக்க உள்ள அறிவிப்பு வெளியாகியுள்ளது. இப்படங்கள் மூலம் தமிழிலும் அறிமுகமாகிறார் சுனில். முதல் படமாக அநேகமாக 'மாவீரன்' படம்தான் வெளியாகும் எனத் தெரிகிறது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா
• 
  'பராசக்தி' படத்தின் இசை வெளியீட்டு விழா, எங்கே, எப்போது?
• 
  ரிலீசில் ரிகார்டு!: வசூலில் பெரும்பாடு: தமிழ் சினிமாவில் ரூ.2000 கோடியை ...
• 
  'டாக்சிக்' படத்தின் அனுபவம் குறித்து ருக்மணி வசந்த்!
• 
  விஜய் முடிவை மாத்தணும்.. மீண்டும் நடிக்கணும்: நடிகர் நாசர் கோரிக்கை