Dinamalar

விவாகரத்துகள் அதிகமாவது ஏன்? - வாணிபோஜன் கருத்து

பாய்ஸ் படத்தில் அறிமுகமாகி காதல் படத்தின் மூலம் புகழ் பெற்ற பரத் நடித்திருக்கும் 50 வது படம் லவ். இந்த படத்தில் அவருக்கு ஜோடியாக வாணிபோஜன் நடித்திருக்கிறார். இருவரும் இணைந்து நடித்த மிரள் படம் சமீபத்தில் வெளிவந்தது. இந்த படத்தை ஆர்.எஸ்.பாலா இயக்கி உள்ளார். கே.ஜி.முத்தையா ஒளிப்பதிவு செய்துள்ளார், ரோனி ரெபோல் இசை அமைத்துள்ளார்.

இளம் கணவன், மனைவிக்கு இடையே நடக்கும் ஊடலும், காதலும்தான் படம். இதுகுறித்து வாணிபோஜன் கூறியதாவது: காதலித்து திருமணம் செய்தால் மட்டும் போதாது, திருமணத்திற்கு பிறகும் காதலிக்க வேண்டும், ஒருவருக்கொருவர் புரிந்து கொள்ள வேண்டும், விட்டுக் கொடுக்க வேண்டும் என்று சொல்கிற படம்தான் லவ். என்றார்.

விவாகரத்துகள் அதிகம் நடப்பது குறித்த கேள்விக்கு பதிலளித்த வாணி போஜன் “விவாகரத்துகள் அதிகரித்திருப்பது வருத்தம் தருகிறது. சரியான புரிதல் இல்லாமல் போனது, சுயசார்பும், சுதந்திரமும் தற்போது இருப்பதால் சுயநலமும் அதிகரித்து விட்டது. காதல் என்பது புரிதலிலும், விட்டுக் கொடுத்தலிலும்தான் இருக்கிறது. காதல் அவ்வளவு எளிதானதல்ல. முதலில் குடும்பத்தை காதலிக்க வேண்டும், உறவுகளை காதலிக்க வேண்டும். என்கிறார் வாணி போஜன்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...