Dinamalar

நம்பர் 1 இடத்தில் ‛துணிவு' டிரைலர் : 12 நாளில் புதிய சாதனை

இந்த பொங்கல் வெளியீடாக அஜித்தின் ‛துணிவு' படமும், விஜய்யின் ‛வாரிசு' படமும் ஒரே நாளில் நேற்று(ஜன., 11) வெளியாகின. இரண்டு படங்களிலும் துணிவு படம் விறுவிறுப்பாக நகர்வதாகவும், வாரிசு படம் மெதுவாக நகர்வதாகவும் விமர்சனங்கள் வந்துள்ளன. வசூலிலும் இரு படங்களுக்கு பலத்த போட்டி நிலவுகிறது.

இதுஒருபுறம் இருக்க, இரண்டு படங்கள் பற்றிய ஒவ்வொரு அறிவிப்பும் போட்டியாகவே மாறி வந்தது. குறிப்பாக இரண்டு பட டிரைலர்களுக்குள் அதிக போட்டி நிலவின. ஆனால் துணிவு டிரைலருக்கு கிடைத்த வரவேற்பு வாரிசுக்கு கிடைக்கவில்லை. அதேசமயம் ‛பீஸ்ட்' பட டிரைலர் சாதனையை துணிவு முறியடிக்கவில்லை என விஜய் ரசிகர்கள் கொண்டாடினர். இப்போது அந்த சாதனை அஜித் வசமாகி உள்ளது.

தமிழ் சினிமாவில் இதுவரையில் வெளிவந்த டிரைலர்களில் யு-டியுபில் அதிகப் பார்வைகளைப் பெற்று விஜய் நடித்த 'பீஸ்ட்' டிரைலர் முதலிடம் இருந்தது. அந்த டிரைலருக்கு இதுவரையில் (ஜன.,12 மாலை 6:30 மணி) 60 மில்லியன் (6,07, 31,187) பார்வைகள் கிடைத்தன. அந்த சாதனையை தற்போது அஜித் நடித்துள்ள 'துணிவு' டிரைலர் முறியடித்துள்ளது.

'துணிவு' டிரைலர் தற்போது வரை (ஜன.,12 மாலை 6:30 மணி) 60 மில்லியன் (6,08,21,792) பார்வைகளைக் கடந்து நம்பர் 1 டிரைலர் என்ற புதிய சாதனையை படைத்துள்ளது. 9 மாதங்களில் பீஸ்ட் டிரைலர் செய்த சாதனையை வெறும் 12 நாளில் துணிவு டிரைலர் முறியடித்துள்ளது.

அதேசமயம் விஜய் நடித்துள்ள 'வாரிசு' டிரைலர் தற்போது 43 மில்லியன் பார்வைகளை மட்டுமே கடந்துள்ளது. 'துணிவு' டிரைலர் சாதனையை முறியடிக்க மேலும் 18 மில்லியன் பார்வைகள் தேவைப்படும். இதனால் 'துணிவு' டிரைலர் நம்பர் 1 இடத்தில் சில காலம் நீடிக்கும்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...