Dinamalar

தெலுங்கில் இன்று 'வாரிசு' பிரம்மாண்ட வெளியீடு

வம்சி பைடிபள்ளி இயக்கத்தில், விஜய், ராஷ்மிகா மந்தனா மற்றும் பலர் நடித்துள்ள 'வாரிசு' படம் கடந்த 11ம் தேதி உலகம் முழுவதும் தமிழில் வெளியானது. நேற்று ஜனவரி 13ம் தேதி ஹிந்தியில் வெளியானது. இன்று ஜனவரி 14ம் தேதி தெலுங்கில் வெளியாகிறது. அதோடு ஆந்திரா, தெலங்கானாவில் 'வாரிசு' தமிழ்ப் பதிப்பும் வெளியாகிறது.

இந்த வருட பொங்கலுக்கு தெலுங்கில் பாலகிருஷ்ணா, சிரஞ்சீவி படங்களுடன் இந்த 'வாரிசு' படத்தின் தெலுங்கு டப்பிங்கான 'வாரசுடு' படமும் வெளியாகும் என்று எதிர்பார்க்கப்பட்டது. அது குறித்து கடந்த சில வாரங்களாக கடும் சர்ச்சைகளும் எழுந்தது. இந்நிலையில் நேரடி தெலுங்குப் படங்களுக்கு முக்கியத்துவம் தர வேண்டும் என்பதற்காக 'வாரசுடு' வெளியீட்டைத் தள்ளி வைப்பதாக அதன் தயாரிப்பாளர் தில் ராஜு அறிவித்தார்.

அதனால், பாலகிருஷ்ணா, சிரஞ்சீவி படங்கள் வெளியானதற்குப் பின் இன்றுதான் 'வாரசுடு' வெளியாகிறது. அதே சமயம் பாலகிருஷ்ணா படத்தை விடவும் இன்று அதிகமான தியேட்டர்களில் 'வாரசுடு' வெளியாவதாக டோலிவுட் வட்டாரங்கள் தெரிவிக்கின்றன. ஐதராபாத்தில் மட்டும் இன்று 'வாரசுடு' படத்திற்கு 300க்கும் மேற்பட்ட காட்சிகள் நடைபெற உள்ளது என்கிறார்கள். படத்திற்கு எப்படிப்பட்ட வரவேற்பு கிடைக்கப் போகிறது என்பதைத் தெரிந்து கொள்ள தமிழ்த் திரையுலகம் மட்டுமல்லாது தெலுங்குத் திரையுலகமும் ஆவலுடன் காத்திருக்கிறது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...