Dinamalar

'துணிவு' வசூல் விவரம் : வினியோகஸ்தர் விளக்கம்

போனி கபூர் தயாரிப்பில், வினோத் இயக்கத்தில், அஜித், மஞ்சு வாரியர் மற்றும் பலர் நடித்து கடந்த வாரம் வெளிவந்த படம் 'துணிவு'. இப்படத்தின் வசூல் பற்றி இதுவரை படத்தின் தயாரிப்பாளரோ, வினியோகஸ்தரோ எந்த ஒரு அறிவிப்பையும் வெளியிடவில்லை. ஆனால், அப்படத்துடன் வெளிவந்த விஜய் நடித்த 'வாரிசு' படம் ஒரு வாரத்தில் ரூ.210 கோடி வசூலித்ததாக அதிகாரப்பூர்வமாக அறிவிப்பை வெளியிட்டார்கள்.

'துணிவு' படத்தின் வசூலை அதிகாரப்பூர்வமாக அறிவிப்பார்கள் என அஜித் ரசிகர்கள் கடந்த பத்து நாட்களாக ஆவலுடன் காத்திருக்கிறார்கள். இருந்தாலும் படக்குழு சார்பில் எந்த ஒரு அறிவிப்பையும் வெளியிடவில்லை. இதனிடையே, தயாரிப்பாளர் போனி கபூருக்கு நெருக்கமானவரும் 'துணிவு' படத்தின் வினியோகஸ்தர்களில் ஒருவருமான ரோமியோ பிக்சர்ஸ் ராகுல் டுவிட்டரில் புது விளக்கம் ஒன்றைக் கொடுத்துள்ளார்.

அதில், “வெளிநாடுகளைப் போல வெளிப்படையான பாக்ஸ் ஆபீஸ் டிராக்கிங் முறை வர நானும் ஆவலுடன் காத்திருக்கிறேன் என டிராக்கர்கள் விமர்சகர்கள் ஆகியோருக்கு சொல்லிக் கொள்கிறேன். அதுவரை பாக்ஸ் ஆபீஸ் சாதனை என்ன என்பதைப் பற்றி சண்டையிட்டுக் கொள்ளாமல் சினிமாவை அதன் தூய்மையான தன்மையுடன் ரசியுங்கள். இரண்டு படங்களையும் வெற்றிப் படமாக்கியதற்கு நன்றி,” எனக் குறிப்பிட்டுள்ளார்.

சமூக வலைத்தளங்களில் டிராக்கர்கள் என்று தங்களை அழைத்துக் கொள்ளும் சிலர் எந்த ஒரு ஆதராமும் இல்லாமல் 'துணிவு' படத்தை விடவும், 'வாரிசு' படத்தின் வசூல் அதிகம் என்று தொடர்ந்து பதிவு செய்து வருகிறார்கள். அவர்களிடம் கடந்த ஒரு வாரமாகவே ராகுல் பதிலுக்கு கமெண்ட் போட்டு வந்தார். இந்நிலையில் இப்படி ஒரு பதிவை இன்று அதிகாலையில் பதிவிட்டுள்ளார்.

படத்தை வெளியிட்டுள்ள வினியோகஸ்தர்களுக்கே படத்தின் வசூல் என்னவென்று தெரியாத நிலையில், இந்த டிராக்கர்கள் தொடர்ந்து பொய்யான வசூல் விவரங்களைப் பதிவிட்டு வருவதற்கு ரசிகர்கள் பலரும் கண்டனங்களைத் தெரிவித்து வருகிறார்கள்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா