Dinamalar

'லால் சலாம்' படத்திலிருந்து ஆடை வடிவமைப்பாளர் திடீர் விலகல்

ஐஸ்வர்யா ரஜினிகாந்த் இயக்க, ஏஆர் ரகுமான் இசையமைப்பில், விஷ்ணு விஷால், விக்ராந்த் கதாநாயகர்களாக நடிக்க சிறப்புத் தோற்றத்தில் ரஜினிகாந்த் நடிக்கும் படம் 'லால் சலாம்'. இப்படத்தின் பூஜை இரண்டு மாதங்களுக்கு முன்னர் நடைபெற்றது.

இப்படத்திலிருந்து ஆடை வடிவமைப்பாளர் பூர்ணிமா ராமசாமி திடீரென விலகியுள்ளார். அது குறித்து சமூக வலைத்தளத்தில், “மாற்ற முடியாத வேறுபாடுகள் காரணமாக 'லால் சலாம்' படத்தின் ப்ரீ புரொடக்ஷன் கட்டத்திலேயே நான் விலகிக் கொள்கிறேன். எதிர்காலத்தில் படத்தின் அனைத்து போஸ்டர்களிலும் என பெயரை நீக்க வேண்டும் என இதன் மூலம் தெளிவாகச் சொல்லிவிடுகிறேன்,” என படத்தின் இயக்குனர் ஐஸ்வர்யா ரஜினிகாந்த் மற்றும் லைக்கா நிறுவனத்தை டேக் செய்து பதிவிட்டுள்ளார்.

படத்தின் பூஜையில் கூட பூர்ணிமா கலந்து கொண்டுள்ளார். அப்போது வைக்கப்பட்டிருந்த பேனர்களிலும் அவரது பெயர் இடம் பெற்றுள்ளது. படப்பிடிப்புக்கான அனைத்து ஏற்பாடுகளும் நடந்து வரும் நிலையில் அவர் விலகியிருப்பது திரையுலகத்தினரிடம் ஆச்சரியத்தை ஏற்படுத்தியுள்ளது. ஐஸ்வர்யாவும், பூர்ணிமாவும் நெருங்கிய தோழிகள் என்றும், அவர்களுக்குள் இப்படி ஒரு வேறுபாடு வந்திருப்பது ஆச்சரியமாக இருக்கிறது என்றும் சொல்கிறார்கள்.

• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு

• 
  தேசிய விருது : தேர்வு குழுவிற்கு நடிகை ஊர்வசி கேள்வி
• 
  மீரா மிதுனை கைது செய்து ஆஜர்படுத்த நீதிமன்றம் உத்தரவு
• 
  ரஜினிக்கும், தனது தந்தைக்கும் உள்ள ஒற்றுமையை கூறிய லோகேஷ்
• 
  குடும்பத்துடன் திருப்பதியில் சாமி தரிசனம் செய்த சூர்யா
• 
  துல்கர் சல்மானின் 41வது படத்தை துவக்கி வைத்த நானி