Dinamalar

ஹிந்தியில் ரீமேக் ஆகும் 'லவ் டுடே'

பிரதீப் ரங்கநாதன் இயக்கம், நடிப்பில் கடந்தாண்டு வெளிவந்து பெரும் வெற்றியைப் பெற்ற படம் 'லவ் டுடே'. தமிழகத்தில் 100 நாட்களைக் கடந்து ஓடி 100 கோடி வசூலைக் குவித்த படம். தெலுங்கிலும் டப்பிங் செய்யப்பட்டு வெளியாகி அங்கும் நல்ல லாபத்தைக் கொடுத்தது.

இப்படத்தை ஹிந்தியில் ரீமேக் செய்ய உள்ளதாக அதன் தயாரிப்பாளர்களில் ஒருவரான அர்ச்சனா கல்பாத்தி அறிவித்துள்ளார். ஹிந்தியில் பல படங்களைத் தயாரித்த பாந்தோம் ஸ்டுடியோஸ் நிறுவனத்துடன் இணைந்து இப்படத்தைத் தயாரிக்க உள்ளார்கள்.

இது பற்றிய அறிவிப்பை பாந்தோம் ஸ்டுடியோஸ் நிறுவனமும் அதிகாரப்பூர்வமாக வெளியிட்டுள்ளது. “மிக விரைவில் ரசிகர்களின் அபிமானத் திரைப்படமாக மாறிய காதல் திரைப்படமான 'லவ் டுடே' படம், சமீபத்தில் தியேட்டர் வெளியீட்டில் 100 நாட்களைக் கடந்தது. 2022ம் ஆண்டில் வெளியான தமிழ்ப் படங்களில் பெரும் வெற்றியைப் பெற்ற ஒரு படம். அதன் ஒரிஜனல் தயாரிப்பாளரான எஜிஎஸ் என்டர்டெயின்மென்ட் உடன் இணைந்து அப்படத்தை பாந்தோம் ஸ்டுடியோஸ் ஹிந்தியில் ரீமேக் செய்ய உள்ளது,” என தெரிவித்துள்ளார்கள்.

ஹிந்தி ரீமேக்கிற்கு பிரதீப் ரங்கநாதனும் வாழ்த்து தெரிவித்துள்ளார். படத்தை அவர் ஹிந்தியில் இயக்கப் போவதில்லை. விரைவில் இயக்குனர், மற்ற கலைஞர்கள் பற்றிய அறிவிப்புகள் வெளியாகும் எனத் தெரிகிறது.

• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு

• 
  தேசிய விருது : தேர்வு குழுவிற்கு நடிகை ஊர்வசி கேள்வி
• 
  மீரா மிதுனை கைது செய்து ஆஜர்படுத்த நீதிமன்றம் உத்தரவு
• 
  ரஜினிக்கும், தனது தந்தைக்கும் உள்ள ஒற்றுமையை கூறிய லோகேஷ்
• 
  குடும்பத்துடன் திருப்பதியில் சாமி தரிசனம் செய்த சூர்யா
• 
  துல்கர் சல்மானின் 41வது படத்தை துவக்கி வைத்த நானி