Dinamalar

இந்தியன் 2வில் விவேக்கின் காட்சிகள் இடம்பெற வாய்ப்பு

ஷங்கர் - கமல் கூட்டணியில் உருவாகி மிகப்பெரிய வெற்றி பெற்ற இந்தியன் படத்தின் இரண்டாம் பாகம் தற்போது இந்தியன்-2 என்கிற பெயரில் படமாகி வருகிறது. கடந்த இரண்டு ஆண்டுகளுக்கு முன்பு இதன் படப்பிடிப்பு துவங்கியபோது இந்த படத்தில் மிக முக்கிய கதாபாத்திரம் ஒன்றில் நடிகர் விவேக் நடித்து வந்தார். இத்தனை வருட திரையுலக பயணத்தில் அவர் கமலுடன் முதல்முறையாக இணைந்து நடித்ததும் இந்த படத்தில் தான். ஆனால் துரதிஷ்டவசமாக கொரோனா காலகட்டத்தில் அவர் மாரடைப்பால் காலமானார்.

இந்த நிலையில் அவருக்கு பதிலாக நடிகர் குரு சோமசுந்தரம் தற்போது இந்த படத்தில் நடித்து வருகிறார் என்ற தகவல் வெளியானது. அதனால் விவேக் நடித்த காட்சிகள் இந்த படத்தில் இடம்பெறாது என்றும் சொல்லப்பட்டு வந்தது. இந்தநிலையில் தற்போது விவேக் சம்பந்தப்பட்ட காட்சிகள் நிச்சயமாக படத்தில் இடம்பெறும் என்றும் விவேக்கின் குரலுக்கு பொருந்தும் விதமான டப்பிங் கலைஞரை வைத்து அவரது காட்சிகள் நிறைவு செய்யப்படும் என்றும் தற்போது ஒரு தகவல் வெளியாகி உள்ளது.

இதனால் விவேக் இந்தியன்-2 படத்தில் தன்னுடைய காட்சிகளை முழுமையாக நிறைவு செய்து விட்டாரா, அப்படி என்றால் குரு சோமசுந்தரம் இந்த படத்தில் இணைந்தது வேறு ஒரு கதாபாத்திரத்திற்காகவா என்கிற கேள்விகள் புதிதாக எழுந்துள்ளன. இந்த படத்தில் விவேக் போலீஸ் அதிகாரி கதாபாத்திரத்தில் நடித்து வந்தார் என்பது குறிப்பிடத்தக்கது.

• 
  இரண்டு மனைவிகளுடன் விவகாரத்து : வெளிப்படையாகப் பேசிய அமீர்கான்
• 
  கரிஷ்மா கபூர் முன்னாள் கணவர் திடீர் மரணம்
• 
  'பெங்கால் பைல்ஸ்' என டைட்டில் மாற்றப்பட்ட 'டெல்லி பைல்ஸ்'
• 
  தந்தையின் 70வது பிறந்தநாளில் 75 பாட்மின்டன் பயிற்சி மையங்களை துவங்கிய ...
• 
  250 கோடியில் வீடு கட்டிய பாலிவுட் நட்சத்திர தம்பதிகள்

• 
  தக் லைப் படத்தின் எட்டாவது நாள் வசூல் என்ன
• 
  சிம்புவை பற்றி பேச மறுக்கும் நிதி அகர்வால்
• 
  திருநெல்வேலி செல்ல பாஸ்போர்ட் கேட்க மாரிசெல்வராஜ்
• 
  முதல்ல திருமண மண்டபம் : வேகமெடுக்கும் நடிகர் சங்க பணிகள்
• 
  படை தலைவன் படத்தில் விஜயகாந்த் காட்சிக்கு வரவேற்பு