Dinamalar

சூர்யா 42வது பட தலைப்பு இதுவா?

சூர்யா நடிக்கும் 42வது படத்தை இயக்கி வருகிறார் சிவா. திஷா பதனி நாயகியாக நடிக்கும் இந்த படத்தை ஸ்டூடியோ கிரீன் நிறுவனம் தயாரிக்கிறது. 3டி தொழில் நுட்பத்தில் உருவாகி வரும் இந்த படம் 10 மொழிகளில் வெளியாகியுள்ளது. இப்படத்திற்காக 180 நாட்களுக்கு கால்சீட் கொடுத்து நடித்து வருகிறார் சூர்யா. சரித்திர கதையில் உருவாகி வரும் இந்த படத்தின் தலைப்பு மற்றும் டீசர் விரைவில் வெளியாக இருப்பதாக சமீபத்தில் தயாரிப்பாளர் ஞானவேல் ராஜா தெரிவித்திருந்தார். இந்த நிலையில் தற்போது சூர்யா 42-வது படத்திற்கு அக்னீஸ்வரன் என்று தலைப்பு வைக்க சிறுத்தை சிவா முடிவு செய்திருப்பதாக ஒரு தகவல் வெளியாகி இருக்கிறது.

இதற்கு முன்பு அஜித் நடித்த வீரம், வேதாளம், விவேகம், விஸ்வாசம் என்ற படங்களுக்கு வி செண்டிமென்டில் தலைப்பு வைத்து வந்த சிவா, அதையடுத்து ரஜினி நடிப்பில் இயக்கிய படத்துக்கு அண்ணாத்த என்று பெயர் வைத்தார். இப்போது சூர்யா படத்திற்கும் அதே பாணியில் அக்னீஸ்வரன் என்று அ செண்டிமென்ட்டில் தலைப்பு வைக்க முடிவு எடுத்திருக்கிறாராம்.

அதுதொடர்பாக ஒரு போஸ்டர் ஒன்றும் சமூகவலைதளங்களில் உலா வருகிறது. ஆனால் இதை தயாரிப்பாளர் தனஞ்செயன் மறுத்துள்ளார். சூர்யா 42 பட தலைப்பு என்ன என்பது அடுத்தவாரம் தெரிந்துவிடும்.

• 
  3 மணி நேரம் ஓடப் போகும் 'வார் 2'
• 
  வரவேற்பைப் பெறாத 'பரியேறும் பெருமாள்' ஹிந்தி ரீமேக்
• 
  விளம்பர வீடியோவில் உலக சாதனை படைத்த தீபிகா படுகோனே
• 
  500 கோடி வசூலைக் கடந்த 'சாயாரா'
• 
  மலையாள இயக்குனர் படத்தில் நடிக்கப்போகும் சல்மான்கான்

• 
  பிரதமர் மோடி உடன் நடிகர் கமல் சந்திப்பு : கீழடி பற்றி கோரிக்கை
• 
  கூலி படத்தில் பிரீத்தி கதாபாத்திரம் கொல்லப்படுகிறதா? : ஸ்ருதிஹாசன் பதில்
• 
  இட்லி கடை படத்தின் இசை வெளியீடு எப்போது?
• 
  சிவகார்த்திகேயன் படங்களுக்கு தொடர்ந்து இசையமைக்கும் சாய் அபயன்கர்
• 
  ஹீரோவாக அறிமுகமாகும் ஷங்கரின் மகன்