மாநாடு ஹிந்தி ரீமேக்கில் எஸ்ஜே சூர்யாவாக மாறும் ரவிதேஜா

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

08 ஏப், 2023 - 07:57 IST

எழுத்தின் அளவு:

கடந்த 2021 நவம்பர் மாதம் வெங்கட் பிரபு இயக்கத்தில் சிலம்பரசன், எஸ்ஜே சூர்யா நடிப்பில் வெளியான படம் மாநாடு. முதல்முறையாக இந்தியாவில் அதுவும் தமிழில் டைம் லூப் என்கிற கான்செப்டை மையப்படுத்தி உருவானது இந்த படம். ஆரம்பம் முதல் இறுதி வரை விறுவிறுப்பாக இருந்ததுடன் ரசிகர்களுக்கு 100% பொழுதுபோக்கு படமாகவும் அமைந்தது. குறிப்பாக இந்த படத்தில் ஹீரோவாக நடித்த சிலம்பரசனுக்கும் வில்லனாக நடித்த எஸ்ஜே சூர்யாவிற்கும் சம அளவு முக்கியத்துவம் கொடுக்கப்பட்டது. அதேசமயம் ஹீரோவை விட வில்லன் எஸ்ஜே சூர்யா இன்னும் ஒரு படி அதிகமாகவே ஸ்கோர் செய்தார் என்று கூட சொல்லலாம்.

இந்தநிலையில் இந்தப்படம் தற்போது தெலுங்கு மற்றும் இந்தியில் ஒரே நேரத்தில் ரீமேக் செய்யப்பட இருக்கிறது. இதில் சிலம்பரசன் கதாபாத்திரத்தில் பாலிவுட் நடிகர் வருண் தவானும் எஸ்ஜே சூர்யா நடித்த கதாபாத்திரத்தில் தெலுங்கு முன்னணி நடிகரான ரவிதேஜாவும் நடிக்க இருக்கிறார்கள் என்று சொல்லப்படுகிறது. இதன் மூலம் ரவிதேஜா முதன்முறையாக இந்தியிலும் அடியெடுத்து வைக்க இருக்கிறாராம். தமிழில் இயக்கிய வெங்கட்பிரபுவே இந்தப்படத்தின் இந்தி, தெலுங்கு ரீமேக்கை இயக்குவாரா அல்லது வேறு இயக்குனர் இயக்குவாரா என்பது குறித்து இனிமேல் தான் தெரிய வரும் என்கிறார்கள் தெலுங்கு திரை உலக வட்டாரத்தில்.

Maanaadu

Raviteja

SJSurya

கருத்துகள் (0) கருத்தைப் பதிவு செய்ய

நீதிமன்றம் மூலம் போராடி படத்தின் ...

நயன்தாரா, மாதவன், சித்தார்த் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய