Dinamalar

ஹிந்தியில் வெளியாகும் காமராஜர் படம்

தமிழக முன்னாள் முதல்வரும், காங்கிரஸ் கட்சித் தலைவருமான காமராஜரின் வாழ்க்கை வரலாற்றை பாலகிருஷ்ணன் தனது ரமணா பிலிம்ஸ் சார்பில் சிறிய பட்ஜெட்டில் எளிய முறையில் படமாக்கி இருந்தார். இந்த படத்தில் காமராஜராக ரிச்சர்ட் மதுரம் நடித்திருந்தார். இளையராஜா இசை அமைத்திருந்தார். அதன் பிறகு சமுத்திரகனி நடிப்பில் புதிய காட்சிகள் சேர்க்கப்பட்டு, நவீன தொழில்நுட்பத்திற்கு மாற்றப்பட்டும் இந்த படம் வெளிவந்தது.

இந்த நிலையில் தற்போது இந்த படத்தை 'தி கிங் மேக்கர்' என்ற தலைப்பில் ஹிந்தியில் மொழிமாற்றம் செய்து வெளியிடுகிறார்கள். இதுகுறித்து டைரக்டர் பாலகிருஷ்ணன் கூறும்போது, “காமராஜர் சாதாரண தொண்டனாக வாழ்க்கையை தொடங்கி உலக தலைவராக மாறினார். தமிழக முதல் அமைச்சராக 9 ஆண்டுகள் சேவை புரிந்தார். உலகம் போற்றும் மதிய உணவு திட்டத்தை செயல்படுத்தினார். காமராஜரின் வாழ்க்கையை உலகம் முழுவதும் உள்ள இந்தியர்களுக்கு நினைவூட்டுவது அவசியம். எனவே 'தி கிங் மேக்கர்' என்ற பெயரில் ஹிந்தி மொழியில் காமராஜ் படம் அவரது பிறந்த நாளை முன்னிட்டு ஜூலை 15-ந்தேதி வெளியாக இருக்கிறது. மும்பை, டில்லி, பெங்களூரு உள்ளிட்ட பல நகரங்களில் சிறப்பு காட்சிகள் திரையிடப்படும். காமராஜ் படத்தின் இரண்டாம் பாகம் எடுக்கும் முயற்சிகளும் நடக்கின்றன'' என்றார்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...