Dinamalar

5 மொழிகளில் வெளியாகும் திரிஷாவின் 'தி ரோட்'

பொன்னியின் செல்வனில் குந்தவையாக மிரட்டிய த்ரிஷாவின் நடிப்பில் அடுத்து வெளியாகும் படம் 'தி ரோட்'. பொன்னியின் செல்வனுக்கு பிறகு விஜய்யுடன் லியோ படத்தில் நடித்து வரும் திரிஷா தனது சம்பளத்தை கணிசமாக உயர்த்தி விட்ட நிலையில், அவர் முன்பிருந்து சம்பளத்தில் புதுமுகங்களுடன் இணைந்து பணியாற்றிய படம் 'தி ரோட்'.

இந்த படம் ஹீரோயின் சப்ஜெக்ட் ஆக்ஷன் படம். இதில் அவருடன் 'சார்ப்பட்டா' புகழ் டான்சிங் ரோஸ் சபீர், சந்தோஷ் பிரதாப், மியா ஜார்ஜ், எம்.எஸ். பாஸ்கர், வேலராமமூர்த்தி, விவேக் பிரசன்னா உள்பட பலர் நடிக்கிறார்கள். ஏஏஏ சினிமா பிரைவேட் லிமிடெட் தயாரிப்பில் அறிமுக இயக்குனர் அருண் வசீகரன் இயக்கி உள்ளார். சாம் சி.எஸ் இசை அமைத்துள்ளார். கே.ஜி.வெங்கடேஷ் ஒளிப்பதிவு செய்துள்ளார்.

படம் பற்றி இயக்குனர் அருண் வசீகரன் கூறியதாவது: திரிஷாவின் திரைப்பயணத்தில் "தி ரோட்" திரைப்படம் மிகப்பெரியப் பொருட்செலவில் உருவாக்கப்பட்டுள்ளது. பொன்னியின் செல்வன் இரு பாகங்களுக்குப் பிறகு இந்த படத்தை ரசிகர்கள் பெரிதும் எதிர்பார்க்கிறார்கள். மதுரை மற்றும் அதை சுற்றியுள்ள காட்டுப் பகுதிகளில் படமாக்கி உள்ளோம். மதுரையில் நடந்த சில உண்மை சம்பவங்களின் அடிப்படையில் உருவாக்கப்பட்டுள்ளது. வருகிற ஜூன் மாதம் தமிழ், ஹிந்தி, தெலுங்கு, மலையாளம், கன்னடம், உள்ளிட்ட ஐந்து மொழிகளில் வெளியிட திட்டமிட்டுள்ளோம். இவ்வாறு கூறினார்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...