Dinamalar

மணிரத்னம் படப் பெயர்களுடன் 'குஷி' தெலுங்குப் பாடல்

தமிழ் சினிமாவின் முக்கியமான இயக்குனர்களில் ஒருவர் மணிரத்னம். 80களில் அவரது இயக்கத்தில் வர ஆரம்பித்த படங்கள் புதிய அலையை உருவாக்கின. அந்த அலையில் சிக்கிய பலர் இப்போது இயக்குனர்களாக இருக்கிறார்கள். தமிழில் மட்டுமல்லாது பிற மொழிகளிலும் அவருக்கு பெரும் ரசிகர் கூட்டம் உண்டு.

மணிரத்னம் படங்கள் தெலுங்கிலும் டப்பிங் செய்யப்பட்டு வெளியாகி வரவேற்பைப் பெற்றுள்ளன. தெலுங்கில் அவர் நேரடியாக 'கீதாஞ்சலி' படம் அங்கும் வெற்றி பெற்று தமிழிலும் 'இதயத்தைத் திருடாதே' என டப்பிங் ஆகி இங்கும் பெரிய வெற்றியைப் பெற்றது. அவர் இயக்கிய ஒரே தெலுங்குப் படம் அதுதான்.

ஆனாலும், இன்றைய தெலுங்கு இயக்குனர்களையும் அவர் கவர்ந்துள்ளார் என்பது கூடுதல் தகவல். ஷிவ நிர்வானா இயக்கத்தில் விஜய் தேவரகொண்டா, சமந்தா நடிப்பில் உருவாகி வரும் 'குஷி' படத்தின் முதல் சிங்கிள் பாடல் நேற்று விஜய்யின் பிறந்தநாளை முன்னிட்டு வெளியானது. அப்பாடலில் மணிரத்னம் இயக்கத்தில் வந்த படங்களின் பெயர்களைப் பாடலில் சேர்த்திருக்கிறார்கள்.

'நா ரோஜா நுவ்வே' என்ற அப்பாடலில், “தில் சே, அஞ்சலி, கீதாஞ்சலி, கடலி, மௌன ராகம், அம்ருதா, கர்ஷனா, சகி, தளபதி, செலியா, நாயகடு, ஓகே பங்காரம்,” மணிரத்னம் படப் பெயர்களை வைத்தே பாடலை இயக்குனர் சிவ நிர்வானாவே எழுதியிருக்கிறார்.

ஹெஷம் அப்துல் வகாப் இசையமைத்து, அவரே பாடலையும் பாடியுள்ளார். 24 மணி நேரத்தில் இப்பாடல் 50 லட்சம் பார்வைகளைக் கடந்துள்ளது. இயக்குனர் மணிரத்னம் மீது எந்த அளவிற்கு இயக்குனர் சிவ நிர்வானா அபிமானமாக உள்ளார் என்பதை இப்பாடல் காட்டுகிறது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...