மே 12 ரிலீஸ் : முந்துவது யார் ?

13 மே, 2023 - 05:00 IST

0 கருத்துகள் கருத்தைப் பதிவு செய்ய

எழுத்தின் அளவு:

கோடை விடுமுறைக் காலம் அதிக வெயிலோடு கடந்து கொண்டிருக்கிறது. கடந்த மாதக் கடைசியில் வெளிவந்த 'பொன்னியின் செல்வன் 2' படம் 300 கோடி வசூலைக் கொடுத்த பிறகு கடந்த வாரம் மே 5ம் தேதி நான்கு சிறிய பட்ஜெட் படங்கள் வெளிவந்தன. அப்படங்களுக்கு வரவேற்பும், வசூலும் கிடைக்கவில்லை.

நேற்று மே 12ம் தேதி “கஸ்டடி, பர்ஹானா, இராவண கோட்டம், குட் நைட், சிறுவன் சாமுவேல்” ஆகிய நேரடித் தமிழ்ப் படங்களும் 'மியூசிக் ஸ்கூல்' என்ற டப்பிங் படமும் வெளிவந்துள்ளன. மேலே குறிப்பிட்ட படங்கள் 'கன்டென்ட்' படங்களாக இருக்கும் என்ற எதிர்பார்ப்பு படம் வெளியீட்டிற்கு முன்பு இருந்தது. படம் வெளிவந்த பின்பு ஒவ்வொரு படம் பற்றியும் விமர்சனங்களும், ரசிகர்களின் கருத்துக்களும் வெளிவந்துள்ளன.

நேற்று வெளியான படங்களில் ஒட்டு மொத்தமாக வரவேற்பைப் பெற்ற படமாக 'குட் நைட்' படம் இருக்கிறது. சமூக வலைத்தளங்களிலும் அப்படத்தைப் பாராட்டி பல ரசிகர்கள் பதிவிட்டு வருகிறார்கள். அந்தப் படத்திற்குப் பிறகே மற்ற படங்களுக்கான வரவேற்பு இருப்பதாக தியேட்டர் வட்டாரங்களிலும் தெரிவிக்கிறார்கள்.

வெளியீட்டிற்கு முன்பாக சர்ச்சைப் படங்களாக இருக்கும் என்று எதிர்பார்க்கப்பட்ட 'பர்ஹானா, இராவண கோட்டம்' படங்களில் அப்படியான சர்ச்சை எதுவும் இல்லை என்பதும் படத்தைப் பார்த்த பிறகு பலரது கருத்தாக உள்ளது. சிறுவர்கள் முக்கிய கதாபாத்திரங்களில் நடித்துள்ள 'சிறுவன் சாமுவேல்' படத்திற்கு விமர்சகர்களின் பாராட்டுக்கள் கிடைத்துள்ளது.

இந்த வாரம் போலவே வரும் மே 19 மற்றும் மே 26 ஆகிய தேதிகளில் நான்கைந்து படங்கள் வெளிவரும் என்று எதிர்பார்க்கப்படுகிறது.

May12release

Goddnightmovie

Ravanakottam

Farhana

Custody

Siruvansamuel

கருத்துகள் (0) கருத்தைப் பதிவு செய்ய

இரு மொழிப் படங்கள் எனச் சொல்லி தமிழ் ...

மே 26ல் திரைக்கு வரும் கழுவேத்தி ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய