Dinamalar

மாமன்னன் - வடிவேலு பாடிய பாடலுக்கு ரசிகர்கள் வரவேற்பு

மாரி செல்வராஜ் இயக்கத்தில், ஏஆர் ரஹ்மான் இசையமைப்பில், உதயநிதி ஸ்டாலின், கீர்த்தி சுரேஷ், வடிவேலு, பகத் பாசில் மற்றும் பலர் நடித்துள்ள படம் 'மாமன்னன்'. இப்படத்தின் முதல் சிங்கிளான 'ராசா கண்ணு' என்ற பாடல் நேற்று யு டியூப் தளத்தில் வெளியானது.

யுகபாரதி எழுத, வடிவேலு பாடியுள்ள இந்தப் பாடல் உருக வைக்கும் ஒரு பாடலாக இருப்பதாக ரசிகர்களிடம் வரவேற்பு கிடைத்துள்ளது. சிறிய வேடத்தில் சினிமாவில் அறிமுகமாகி பின்னர் நகைச்சுவை நடிகராக உயர்ந்து, கதாநாயகனாகவும் மாறி சில படங்களில் நடித்தவர் வடிவேலு. தற்போது 'மாமன்னன்' படத்தில் முக்கிய வேடமொன்றில் நடித்து முடித்துள்ளார். அப்படத்தின் போஸ்டர்களில் இருந்து அது ஒரு சீரியசான கதாபாத்திரம் எனத் தெரிகிறது.

1995ம் ஆண்டு வெளிவந்த 'எல்லாமே என் ராசாதான்' படத்தில் இளையராஜா இசையில் முதன் முதலில் வடிவேலு பாடிய 'எட்டணா இருந்தா எட்டூரு என் பாட்டு கேட்கும்' பாடல் சூப்பர் ஹிட்டானது. அதன் பிறகு பல இசையமைப்பாளர்கள் இசையிலும் வடிவேலு பாடியிருக்கிறார். ஏஆர் ரஹ்மான் இசையில் பாடியிருப்பது இதுவே முதல் முறை.

கடந்த 24 மணி நேரத்தில் இப்பாடல் 3 மில்லியன் பார்வைகளை யு டியுபில் நெருங்கியுள்ளது. பாடலுக்கு ஆயிரக்கணக்கான ரசிகர்கள் கமெண்ட் செய்துள்ளார்கள். படத்திலும் அப்பாடல் ஒரு தாக்கத்தை ஏற்படுத்தும் என ரசிகர்கள் கூறியுள்ளார்கள்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா