Dinamalar

'லியோ' வெளிவந்த பிறகே இனி 'விஜய் 68' அப்டேட்

லோகேஷ் கனகராஜ் இயக்கத்தில் விஜய் நடித்து வரும் 'லியோ' படத்தின் படப்பிடிப்பு முடிவடைவதற்கு முன்பே வெங்கட் பிரபு இயக்கத்தில் விஜய் நடிக்க உள்ள 68வது படத்தின் அறிவிப்பு வெளியானது. பொதுவாக விஜய் ஒரு படத்தில் நடித்து முடித்த பிறகே அவரது அடுத்த படம் பற்றிய அறிவிப்பு வெளியாகும். அது விஜய் 68ல் முன்னதாகவே நடந்துவிட்டது. இதனால், 'லியோ' படத்திற்குத் தேவையில்லாத குழப்பங்கள் ஏற்படும் என்று விஜய் ரசிகர்கள் பலரும் கருதினார்கள்.

மேலும், ஒரு நிகழ்ச்சியில் பேசிய 'லியோ' படத் தயாரிப்பாளர் லலித்குமார் 'வாரிசு' படம் வெளிவருவதற்கு முன்பே 'லியோ' படத்தின் முதல் கட்டப் படப்பிடிப்பை முடித்ததாகவும், ஆனால், 'வாரிசு' வெளிவரும் வரை 'லியோ' பற்றி வெளியில் எதையும் அறிவிக்கவில்லை என்றும் கூறியிருந்தார்.

இந்நிலையில் நேற்று 'ரெஜினா' படத்தின் டிரைலர் மற்றும் இசை வெளியீட்டு விழா நிகழ்ச்சியில் விஜய் 68 இயக்குனரான வெங்கட் பிரபு கலந்து கொண்டார். அவர் பேசும் போது ரசிகர்கள் 'விஜய் 68 அப்டேட்' என சத்தமிட்டனர். அதற்கு பதிலளித்த வெங்கட் பிரபு, “லியோ' வந்த பிறகு கொடுக்கலாம், அப்புறம் விஜய் சாரே திட்டுவாரு. ஏன்டா, நீ போய் எல்லா இடத்துலயும் அப்டேட் கொடுக்கறன்னு கேப்பாரு. அதனால, 'லியோ' வந்த பிறகு 'தளபதி 68' அப்டேட்,” எனக் கூறினார்.

அதனால், 'லியோ' படம் அக்டோபர் 19ம் தேதி வெளிவரும் வரை அடுத்த நான்கு மாதங்களுக்கு 'விஜய் 68' படத்தின் அப்டேட் வர வாய்ப்பில்லை.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...