Dinamalar

'அசுரன்' படம் எனக் குறிப்பிட விஜய் தயக்கம்; தனுஷ் ரசிகர்கள் வருத்தம்

10ம் வகுப்பு, மற்றும் 12ம் வகுப்பு பொதுத்தேர்வில் தொகுதி அளவில் முதல் மூன்று இடங்களைப் பிடித்த மாணவ, மாணவிகளை கவுரவிக்கும் விதத்தில் கல்வி விருது வழங்கும் விழாவை நடிகர் விஜய் நேற்று நடத்தினார். அப்போது பேசிய விஜய், 'அசுரன்' படத்தில் தனுஷ் பேசிய வசனம் ஒன்றைக் குறிப்பிட்டுப் பேசினார். ஆனால், அது 'அசுரன்' படம் என்றோ, வெற்றிமாறன் இயக்கிய படம் என்றோ, தனுஷ் படம் என்றோ குறிப்பிடாமல் பேசினார்.

“இந்த மாதிரி விழாவை நடத்தறதுக்கு ரொம்ப ரொம்ப முக்கிய காரணம், சமீபத்துல ஒரு படத்துல அழகான டயலாக் ஒண்ணு நான் பார்த்தேன், கேட்டேன்” என்று சொல்லிவிட்டு, அந்த வசனத்தைப் பேசிக் காட்டினார். “காடு இருந்தால் எடுத்துக்குனுவாங்க, ரூபா இருந்தா புடுங்கிக்குவானுங்க, ஆனா, படிப்பை மட்டும் உன்கிட்ட இருந்து எடுத்துக்கவே முடியாது,” ங்கறது பாதிச்ச ஒரு வரிகளா இருந்தது, இது நூத்துக்கு நூறு உண்மை மட்டுமில்ல, இதுதான் யதார்த்தமும் கூட,” என்றார் விஜய். அந்த வசனத்தை அவர் பேசியது போது விழாவுக்கு வந்தவர்கள் கூட ஆரவாரம் செய்தனர்.

'அசுரன்' பட வெற்றியை விஜய் பேசியது தனுஷ் ரசிகர்களுக்கு ஒரு பக்கம் மகிழ்ச்சியைத் தந்தது என்றாலும், மற்றொரு பக்கம் அந்த வசனத்தைப் பேசியது தனுஷ் என்று சொல்லாமல் விட்டது வருத்தத்தைக் கொடுத்துள்ளது. விஜய் 'அசுரன்' வசனத்தை சுட்டிக் காட்டி பேசியது பற்றி இயக்குனர் வெற்றிமாறன் பத்திரிகையாளர்களை சந்தித்த போது, “சினிமாவில் நாம் பேசுகிற வசனம், சமூகத்தில் மிகப் பிரபலமான ஒருவர் மூலமாக சென்றடையும் போது அது நேர்மறையான தாக்கத்தை ஏற்படுத்துவதாகத்தான் பார்க்கிறேன்,” என்று சொல்லியிருக்கிறார்.

இருந்தாலும் தமிழ் சினிமாவில் முன்னணி நடிகராக இருக்கும் விஜய், அவர் சார்ந்த துறையில் மற்றொரு நடிகர் படத்தைப் பற்றி எந்தப் பெயரையும் குறிப்பிடாமல் பேசியது திரையுலகினரை ஆச்சரியப்படுத்தியுள்ளது. 'அசுரன்' என்று குறிப்பிட்டிருந்தால் அவரது பேச்சிற்கான நேர்மை இன்னும் அதிகமாக வெளிப்பட்டிருக்கும் என்று தனுஷ் ரசிகர்களும் தெரிவிக்கிறார்கள்.

• இவரை பற்றி
• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்
• டுவிட்டர்

• இவரை பற்றி
• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்
• வரவிருக்கும் படங்கள்
• டுவிட்டர்

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா