அடுத்தடுத்த அப்டேட்களால் பரபரப்பாகும் தமிழ் சினிமா

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

03 ஜூலை, 2023 - 12:40 IST

எழுத்தின் அளவு:

தமிழ் சினிமா உலகில் அடுத்த அரையாண்டில் பல பெரிய படங்கள் வர உள்ளன. அவற்றிற்கான அப்டேட்டுகள் அடுத்தடுத்து வந்து ரசிகர்களை மகிழ்வித்துக் கொண்டிருக்கின்றன. விஜய் நடித்து வரும் 'லியோ' படத்தின் முதல் சிங்கிள் 'நா ரெடி' பத்து நாட்களுக்கு முன்பு வெளியாகி ஒரு பக்கம் சர்ச்சையை ஏற்படுத்தியும், மற்றொரு பக்கம் வரவேற்பையும் பெற்று யு டியூபில் 43 மில்லியன் பார்வைகளைக் கடந்துள்ளது.

அடுத்து சிவகார்த்திகேயன் நடித்துள்ள 'மாவீரன்' படத்தின் டிரைலர் நேற்று நடைபெற்ற பிரம்மாண்ட விழாவில் வெளியிடப்பட்டது. இந்த டிரைலரிலும் சாதி அரசியல் வசனங்கள் இடம் பெற்றுள்ளதால், 'மாமன்னன்' படத்திற்குப் பிறகு இந்தப் படமும் சர்ச்சையை ஏற்படுத்த வாய்ப்புள்ளது.

'லியோ, மாமன்னன், மாவீரன்' என சில படங்கள் தமிழ் சினிமா உலகிலும், அரசியல் தளங்களிலும் சர்ச்சையை ஏற்படுத்தியுள்ள நிலையில் ரஜினிகாந்த்தின் 'ஜெயிலர்' படத்திற்கு எந்த அப்டேட்டும் வரவில்லையே என அவரது ரசிகர்கள் ஏக்கத்துடன் கேட்டனர். அதைத் தீர்க்கும் வகையில் 'ஜெயிலர்' படத்தின் முதல் சிங்கிள் பற்றிய அப்டேட் இன்று மாலை 6 மணிக்கு வெளியாக உள்ளது.

ரஜினிகாந்த், விஜய், சிவகார்த்திகேயன் ஆகியோரது படங்களின் அப்டேட்டுகள் வெளியாகிக் கொண்டிருக்க 'அப்டேட், அப்டேட், வலிமை அப்டேட்' என அதை மிகவும் பிரபலமாக்கிய அஜித் ரசிகர்கள் 'விடாமுயற்சி' படத்தின் படப்பிடிப்புப் பற்றிய அப்டேட் எப்போது வரும் என காத்திருக்கின்றனர்.

Tamil Cinema

Movie Updates

Leo

Jailer

கருத்துகள் (0) கருத்தைப் பதிவு செய்ய

'சலார்' பக்கம் சாய்ந்த பிரபாஸ், ...

அம்மாவை படிக்க வைத்த வெற்றி மாறன்

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய