Dinamalar

ஷாருக்கானுக்கு நடிப்பாற்றல் இல்லை ; பாகிஸ்தான் நடிகை கருத்தால் கிளம்பிய சர்ச்சை

பாலிவுட் நடிகர்களில் முன்னணியில் இருப்பவர் நடிகர் ஷாருக்கான். பாலிவுட் நடிகர்களிலேயே அதிக அளவிலான ரசிகர்களையும் பெற்றிருப்பது இவர்தான். சமீபத்தில் வெளியான இவரது பதான் வெற்றிப்படமாக அமைந்து, ஆயிரம் கோடிக்கு மேல் வசூலித்து சாதனை படைத்தது. அடுத்ததாக அட்லீ இயக்கத்தில் ஷாருக்கான் நடித்த ஜவான் திரைப்படம் விரைவில் ரிலீஸ் ஆக தயாராகி வருகிறது. இந்த நிலையில் பாகிஸ்தானை சேர்ந்த நடிகை மஹ்னூர் பலோச். என்பவர் சமீபத்திய ஒரு பேட்டியின்போது நடிகர் ஷாருக்கானை நடிப்புத் திறமை இல்லாதவர் என விமர்சித்துக் கூறியுள்ளார்.

இந்த பேட்டியில் அவர் கூறும்போது, “ஷாருக்கான் தனது பெர்சனாலிட்டி மற்றும் கரிஸ்மா காரணமாக மற்றவர்களை கவர்ந்து விடுகிறார். அதே சமயம் அவர் இப்போது ஹேண்ட்சம் என்று சொல்லப்படும் அழகு என்று வரையறைக்குள் பொருந்தாதவர். இவர் தன்னை தானாகவே மார்க்கெட்டிங் செய்து கொள்ளும் அளவுக்கு திறமையானவர். இவரை விட அழகும் திறமையும் வாய்ந்த பலர் சினிமாவால் பெரிய அளவில் கண்டு கொள்ளப்படாமலேயே இருக்கின்றனர்” என்று கூறியுள்ளார். இவர் இப்படி கூறியதை தொடர்ந்து ஷாருக்கானின் ரசிகர்கள் இவருக்கு தங்களது கண்டனங்களை சோசியல் மீடியா மூலமாக தெரிவித்து வருகின்றனர்.

• 
  அவமானங்களுக்கு 'ரியாக்ட்' பண்ணாதீர்கள்: நடிகர் சூரி 'அட்வைஸ்'
• 
  'கொம்புசீவி' தயாராகும் இன்னொரு தனுஷ்
• 
  பிளாஷ்பேக்: வித்தியாசமான தோற்றத்தில் விஜயகாந்த் நடித்து விஸ்வரூப ...
• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி