Dinamalar

'வேதாளம்' தெலுங்கு ரீமேக்கான 'போலா சங்கர்' டிரைலர் : அதிரடி காட்டும் சிரஞ்சீவி

சிவா இயக்கத்தில், அஜித், ஸ்ருதிஹாசன், லட்சுமி மேனன் மற்றும் பலர் நடித்து 2015ம் ஆண்டில் வெளிவந்து வெற்றி பெற்ற படம் 'வேதாளம்'. அதிரடி ஆக்ஷன், தங்கை சென்டிமென்ட் என அப்படம் அஜித்தின் முந்தைய படங்களின் வசூல் சாதனையை முறியடித்தது.

எட்டு ஆண்டுகளுக்குப் பிறகு அப்படத்தின் தெலுங்கு ரீமேக்கான 'போலா சங்கர்' அடுத்த மாதம் ஆகஸ்ட் 11ம் தேதி வெளியாக உள்ளது. மெஹர் ரமேஷ் இயக்கியுள்ள இப்படத்தில் சிரஞ்சீவி அண்ணனாகவும், கீர்த்தி சுரேஷ் தங்கையாகவும், தமன்னா காதலியாகவும் நடித்துள்ளனர்.

இப்படத்தின் டிரைலர் யு டியூபில் வெளியானது. சிரஞ்சீவி ரசிகர்கள் அதிகம் எதிர்பார்க்கும் படமான இப்படத்தின் டிரைலர் முழுக்க முழுக்க ஆக்ஷனுக்கு முக்கியத்துவம் கொடுத்து உருவாக்கப்பட்டுள்ளது. சிரஞ்சீவியின் அசத்தலான ஸ்டைல், ஆக்ஷ்ன், அதிரடி என அவருடைய ரசிகர்களை திருப்திப்படுத்தும் விதத்தில் உள்ளது.

டிரைலரைப் பார்க்கும் போது 'வேதாளம்' படத்தை அப்படியேதான் ரீமேக் செய்துள்ளார்கள் எனத் தெரிகிறது. ஆனால், விஎப்எக்ஸ் காட்சிகள் தரமில்லாமல் மிகவும் மோசமாக உள்ளது. நாளை சிரஞ்சீவியின் தம்பி பவன் கல்யாண் நடித்துள்ள 'ப்ரோ' படம் வெளியாக உள்ள நிலையில் 'போலா சங்கர்' டிரைலர் சிரஞ்சீவி குடும்பத்து ரசிகர்களுக்கு அதிக மகிழ்ச்சியைத் தரும்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...