Dinamalar

பெங்களூருவில் 'கேஜிஎப் 2' சாதனையை முறியடித்த 'ஜெயிலர்'

தமிழ்த் திரைப்படங்கள் தமிழகத்தைத் தவிர மற்ற மாநிலங்களில் கர்நாடகாவிலும் அதிக அளவிலான தியேட்டர்களில் வெளியாகும். குறிப்பாக பெங்களூருவில் அந்தக் காலத்திலிருந்தே சென்னையை விடவும் அதிக தியேட்டர்களில் தமிழ்த் திரைப்படங்கள் திரையிடப்படும். அங்கு தமிழர்கள் அதிகம் வாழ்வதும், கன்னட ரசிகர்களும் தமிழ்ப் படங்களை விரும்பிப் பார்ப்பதும் அதற்குக் காரணம்.

பொதுவாக ரஜினிகாந்த் படங்களுக்கு அங்கு எப்போதுமே தனி வரவேற்பு உண்டு. ரஜினிகாந்த் கர்நாடகாவைச் சேர்ந்தவர் என்பதாலும் இந்த வரவேற்பு என்று சொல்வார்கள். ரஜினிகாந்த் நடித்துள்ள 'ஜெயிலர்' படம் நாளை மறுதினம் ஆகஸ்ட் 10ம் தேதி உலகம் முழுவதும் வெளியாக உள்ளது. பெங்களூரு பகுதியில் மட்டும் இப்படம் 1090 காட்சிகள் அன்றைய தினம் திரையிடப்பட உள்ளதாம்.

இதற்கு முன்பு 'கேஜிஎப் 2' படம் 1037 காட்சிகள் திரையிட்டதே முந்தைய சாதனையாக இருந்தது. அதைத் தற்போது 'ஜெயிலர்' படம் முறியடித்துள்ளது. 'அவதார் 2' படம் 1014 காட்சிகள் திரையிடப்பட்டுள்ளது. பெங்களூருவில் காலை 6 மணிக்கே 'ஜெயிலர்' படத்தின் சிறப்புக் காட்சி நடைபெற உள்ளது. படத்தில் கன்னட சினிமா ரசிகர்கள் கொண்டாடும் சிவராஜ்குமார் முக்கிய கதாபாத்திரம் ஒன்றில் நடிக்கிறார் என்பதும் குறிப்பிட வேண்டிய ஒன்று.

• 
  தேனீ வாயில் புகுந்ததால் கரிஷ்மா முன்னாள் கணவர் மரணம்?
• 
  இரண்டு மனைவிகளுடன் விவகாரத்து : வெளிப்படையாகப் பேசிய அமீர்கான்
• 
  கரிஷ்மா கபூர் முன்னாள் கணவர் திடீர் மரணம்
• 
  'பெங்கால் பைல்ஸ்' என டைட்டில் மாற்றப்பட்ட 'டெல்லி பைல்ஸ்'
• 
  தந்தையின் 70வது பிறந்தநாளில் 75 பாட்மின்டன் பயிற்சி மையங்களை துவங்கிய ...

• 
  லோகேஷ் கனகராஜ் இயக்கும் ‛கைதி -2' படத்தில் நடிக்கவில்லை! -அனுஷ்கா மறுப்பு
• 
  திரில்லர் கதையை படமாக்கும் பிரேம்குமார்! பிரதீப் ரங்கநாதன் நடிக்கிறார்!!
• 
  கமலின் 237வது படம் டிராப் ஆகிவிட்டதா?
• 
  சண்முக பாண்டியன் நடித்துள்ள ‛படை தலைவன்' படத்தின் இரண்டு நாள் வசூல் ...
• 
  ஸ்ரீ லீலாவுக்கு பிறந்தநாள் வாழ்த்து தெரிவித்து சுதா கொங்கரா வெளியிட்ட ...