Dinamalar

வாரிசு பட தயாரிப்பாளர் பாணியில் பேசி புரமோஷன் நிகழ்ச்சியை கலகலப்பாக்கிய சிரஞ்சீவி

தமிழில் கடந்த சில வருடங்களுக்கு முன்பு அஜித் நடிப்பில் வெளியான வேதாளம் திரைப்படம் மிகப்பெரிய வெற்றி பெற்றது. இயக்குனர் சிவா இந்த படத்தை இயக்கியிருந்தார். தற்போது இந்தப் படத்தின் ரீ-மேக்காக உருவாகியுள்ள போலா சங்கர் என்கிற படத்தில் நடித்துள்ளார் சிரஞ்சீவி. கதாநாயகியாக தமன்னா நடிக்க, சிரஞ்சீவியின் தங்கை கதாபாத்திரத்தில் கீர்த்தி சுரேஷ் நடித்துள்ளார். மெஹர் ரமேஷ் என்பவர் இயக்கியுள்ளார். வரும் ஆகஸ்ட் 11ஆம் தேதி இந்த படம் வெளியாக இருக்கிறது. இதை தொடர்ந்து புரமோஷன் நிகழ்ச்சிகளில் தொடர்ந்து சிரஞ்சீவி உள்ளிட்ட படக்குழுவினர் கலந்து கொண்டு வருகின்றனர்.

சில மாதங்களுக்கு முன்பு வாரிசு பட இசை வெளியீட்டு விழாவில் அதன் தயாரிப்பாளர் தில் ராஜு பேசும்போது, இந்த படத்தில் பைட் வேணுமா இருக்கு, பாட்டு வேணுமா இருக்கு, டான்ஸ் வேணுமா இருக்கு, காமெடி வேணுமா இருக்கு என ஒரு புதிய பாணியில் அந்த படத்தை புரமோட் செய்தார். அவரது அந்த பேச்சு சோசியல் மீடியாவில் மிகப்பெரிய அளவில் வைரலானது.

இந்த நிலையில் சிரஞ்சீவியும் சமீபத்திய டீம் இன்டர்வியூ ஒன்றில் பேசும்போது தில் ராஜு பாணியிலேயே இந்த படத்தில் பாட்டு இருக்கு, பைட்டு இருக்கு, சென்டிமென்ட் இருக்கு என்று சிரிப்பை அடக்க முடியாமல் ஜாலியாக பேசினார். இதை கேட்டு அருகில் அமர்ந்திருந்த கீர்த்தி சுரேஷ் மற்றும் தமன்னா இருவரும் விழுந்து விழுந்து சிரித்தார்கள். இந்த வீடியோவும் தற்போது சோசியல் மீடியாவில் வைரலாகி வருகிறது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா