Dinamalar

நடிகர் வாசு விக்ரமின் தாயார் காலமானார்

மறைந்த நடிகர் எம்.ஆர்.ஆர் வாசுவின் மனைவியும், நடிகர் வாசு விக்ரமின் தாயாருமான லலிதாம்பாள் (வயது 83) உடல்நிலை குறைவால் சென்னையில் நேற்று (ஆக., 11) மாலை 7.00 மணி அளவில் காலமானார். இவருக்கு வாசு விக்ரம், பாலாஜி என்ற இரு மகன்களும், இரு மகள்களும் உள்ளனர்.

மறைந்த நடிகர் எம்.ஆர்.ராதாவின் மகன் எம்.ஆர்.ஆர் வாசு. ஏராளமான குணச்சித்ர மற்றும் வில்லன் வேடங்களில் நடித்துள்ளார். இவரது மகன் வாசு விக்ரம். பாலைவனத்தில் பட்டாம்பூச்சி, படத்தின் மூலமாக திரையில் அறிமுகமான அவர் தொடர்ந்து நீங்களும் ஹீரோதான், பரதன், மஞ்சுவிரட்டு, படையப்பா, சிவாஜி, சமுத்திரம் உள்ளிட்ட நூற்றுக்கணக்கான படங்களில் குணசித்ரம், வில்லன் மற்றும் காமெடி வேடங்களில் நடித்துள்ளார். சித்தி, செல்லமே, செல்வி போன்ற டிவி சீரியல்களிலும் நடித்துள்ளார்.

கோடம்பாக்கம் ஆ.என்.நம்பியார் தெருவில் குடும்பத்தினர் உடன் வசித்து வருகிறார். இவரது தாயார் லலிதாம்பாள் வயது மூப்பால் வரும் உடல்நல பிரச்னையால் நேற்று காலமானார். இவரது மறைவுக்கு திரையுலகினர் பலரும் இரங்கல் தெரிவித்துள்ளனர்.

முதல்வர் இரங்கல்
முதல்வர் ஸ்டாலின் வெளியிட்ட இரங்கல் செய்தியில், "நடிகர் எம்ஆர்ஆர் வாசு அவர்களின் மனைவியும், நடிகர் வாசு விக்ரமின் தாயாருமான திருமதி. லலிதாம்மாள் அவர்கள் மறைவுற்ற செய்தி அறிந்து வருத்தமடைந்தேன். அவரை இழந்து வாடும் அவர்தம் குடும்பத்தினருக்கும் உறவினர்களுக்கும் எனது ஆழ்ந்த இரங்கல்" என தெரிவித்துள்ளார்.

நடிகர் சத்யராஜின் தாயார் நாதாம்பாளும் நேற்று தான் காலமானார். ஒரேநாளில் இரண்டு நடிகர்களின் தாயார் அடுத்தடுத்து மறைந்தது தமிழ் திரையுலகினர் இடையே சோகத்தை ஏற்படுத்தி உள்ளது.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்