Dinamalar

ரஜினிகாந்த் 171 : லோகேஷ் இயக்குகிறார் - அதிகாரப்பூர்வ அறிவிப்பு

'ஜெயிலர்' படத்தின் வெற்றியைத் தொடர்ந்து ரஜினிகாந்த் நடிக்கும் 171வது படம் பற்றிய அறிவிப்பை அதன் தயாரிப்பு நிறுவனம் அதிகாரப்பூர்வமாக அறிவித்துள்ளது. லோகேஷ் கனகராஜ் இயக்கத்தில், அனிருத் இசையமைப்பில், அன்பறிவ் ஆக்ஷனில் இப்படம் உருவாக உள்ளதாக அறிவிக்கப்பட்டுள்ளது.

'ஜெயிலர்' படத்திற்குப் பிறகு ரஜினிகாந்த் அவருடைய 170வது படமாக தசெ ஞானவேல் இயக்கும் படத்தில் நடிக்க உள்ளார். விரைவில் இப்படத்திற்கான படப்பிடிப்பு ஆரம்பமாக உள்ளது. அதற்குள்ளாகவே 171வது படத்தின் அறிவிப்பை வெளியிட்டுள்ளார்கள். 170வது படத்தின் படப்பிடிப்பு முடிந்த பிறகுதான் 171வது படத்தின் படப்பிடிப்பு ஆரம்பமாகும் எனத் தெரிகிறது.

விஜய் நடிக்கும் 'லியோ' படத்திற்குப் பிறகு லோகேஷ் இயக்க உள்ள படம் இது. கமல்ஹாசன் நடிக்க 'விக்ரம்' படத்தை இயக்கிய பின் லோகேஷ் இயக்கத்தில், கமல்ஹாசன் தயாரிப்பில் ரஜினிகாந்த் நடிக்க உள்ளார் என்று தகவல் வெளியானது. ஆனால், அது நடக்கவில்லை.

ரஜினிகாந்த் படத்தை முடித்த பிறகு லோகேஷ் மீண்டும் கமல்ஹாசன் நடிக்கும் படத்தை இயக்கலாம். கார்த்தி நடிக்கும் 'கைதி 2', மற்றும் சூர்யா நடிக்கும் படம் என அவர் தொடர்ந்து படங்களை இயக்க பேசி முடித்துள்ளதாகச் சொல்கிறார்கள்.

• 
  மலையாள இயக்குனர் படத்தில் நடிக்கப்போகும் சல்மான்கான்
• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்
• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...

• 
  திறமையை மட்டும் பாருங்க : மாளவிகா மோகனன் கோபம்
• 
  'முத்து என்கிற காட்டான்' : விஜய் சேதுபதி, மணிகண்டன் வெப்தொடரின் தலைப்பு
• 
  மாவீரன் இரண்டாம் பாகத்தில் நடிக்க விரும்பும் சிவகார்த்திகேயன்
• 
  தாய்லாந்தில் ரஜினி செய்த செயல் : ஐதராபாத்தில் வியந்து பேசிய நாகர்ஜூனா
• 
  கணவர் உடனான போட்டோக்கள் நீக்கம் : விவாகரத்து முடிவில் ஹன்சிகா?