Dinamalar

லூசிபர் 2 - மலையாளத்தில் நுழையும் லைக்கா

தமிழ்த் திரையுலகில் '2.0, பொன்னியின் செல்வன்' உள்ளிட்ட பிரம்மாண்டப் படங்களையும், “கத்தி, கோலமாவு கோகிலா, வட சென்னை, டான்” உள்ளிட்ட வெற்றிப் படங்களையும் தயாரித்த நிறுவனம் லைக்கா புரொடக்ஷன்ஸ். தற்போது தமிழில் 'இந்தியன் 2, லால் சலாம்' உள்ளிட்ட படங்களைத் தயாரித்து வருகிறார்கள்.

தமிழில் மட்டுமல்லாது, தெலுங்கில், “கைதி நம்பர் 150”, ஹிந்தியில் ‛‛குட்லக் ஜெர்ரி, ராம் சேது'' ஆகிய படங்களையும் தயாரித்துள்ளார். தற்போது 'லூசிபர் 2' படத்தின் மூலம் மலையாளத் திரையுலகிலும் நுழைந்துள்ளார்கள்.

“எல் 2 இ - எம்புரான்' எனப் பெயரிடப்பட்டுள்ள இந்த படத்தை ஆசிர்வாத் சினிமாஸ் நிறுவனத்துடன் இணைந்து தயாரிக்கிறது லைக்கா. பிருத்விராஜ் இயக்கத்தில் மோகன்லால், பிருத்விராஜ், டொவினோ தாமஸ், மஞ்சு வாரியர் மற்றும் பலர் இப்படத்தில் நடிக்கிறார்கள்.

லைக்கா நிறுவனம் மலையாளத் திரையுலகில் வருவதற்கு படத்தின் கதாநாயகன் மோகன்லால் வரவேற்பு தெரிவித்து, “மலையாளத் திரையுலகத்திற்கு 'எல்2இ - எம்புரான்' படம் மூலம் வரும் லைக்கா புரொடக்ஷன்ஸை எல் டீம் சார்பாக வரவேற்பதில் மகிழ்ச்சி,” என்று குறிப்பிட்டுள்ளார். இப்படத்தை மலையாளம், தமிழ், தெலுங்கு, கன்னடம், ஹிந்தி ஆகிய மொழிகளில் வெளியிட உள்ளார்கள்.

• 
  தர்மேந்திரா உடன் மீண்டும் இணைந்து நடிக்கும் அர்பாஸ் கான்
• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்

• 
  பிளாஷ்பேக்: விஜயகாந்த் நடிக்க மறுத்து, மம்மூட்டி நடித்து வெற்றி பெற்ற ...
• 
  வெற்றிக்காக ஏங்கும் நயன், விக்கி
• 
  25வது ஆண்டில் அடியெடுத்து வைக்கும் அஜித்தின் 'சிட்டிசன்'
• 
  ரவி மோகன் படத்தலைப்பு ‛ப்ரோ கோட்' : நான்கு ஹீரோயின்கள்
• 
  விஜய் மில்டன் படத்தில் சுனில்