Dinamalar

ஜூனியர் என்.டி.ஆருக்கு ஆஸ்கர் கவுரவம்

உலக புகழ்பெற்ற ஆஸ்கர் அகாடமியின் துணை அமைப்பான அகாடமி ஆப் மோஷன் பிக்சர்ஸ் அண்ட் ஆர்ட்ஸ் என்ற அமைப்பு முன்னணி தெலுங்கு நடிகரான ஜூனியர் என்டிஆரை தனது அமைப்பில் உறுப்பினராக சேர்த்துள்ளது. இந்த அமைப்பில் பிரபல ஹாலிவுட் நடிகர்கள், இயக்குனர்கள் இருக்கிறார்கள். அவர்கள் வரிசையில் ஜூனியர் என்டிஆரும் இடம் பெறுகிறார்.

இதுகுறித்து அகாடமி ஆப் மோஷன் பிக்சர்ஸ் அண்ட் ஆர்ட்ஸ் அமைப்பு வெளியிட்டுள்ள செய்திக்குறிப்பில், "திரைத் துறையில் அர்ப்பணிப்பும், சேவையும் செய்து ரசிகர்களை மகிழ்வித்து வரும் கலைஞர்களை தேர்வு செய்து கவுரவிப்பது எங்களுக்கு பெருமை" என்று குறிப்பிடப்பட்டு உள்ளது. ஜூனியர் என்.டி.ஆருக்கு கிடைத்திருக்கும் இந்த புதிய கவுரவம் அவரது ரசிகர்களுக்கும் மகிழ்ச்சியை அளித்துள்ளது.

தெலுங்கில் முன்னணி நடிகராக இருந்த ஜூனியர் என்டிஆர் 'ஆர்ஆர்ஆர்' படத்தின் மூலம் உலக புகழ்பெற்றார். அவர் ஆடிய ‛நாட்டு நாட்டு' பாடலுக்கு ஆஸ்கர் விருது கிடைத்ததன் மூலம் மேலும் புகழ் அடைந்தார். தற்போது கொரட்டலா சிவா இயக்கும் 'தேவரா' படத்தில் நடித்து வருகிறார். அவருக்கு ஜோடியாக ஜான்வி கபூர் நடிக்கிறார். சைப் அலிகான் வில்லனாக நடிக்கிறார். இதனைத் தொடர்ந்து பிரசாந்த் நீல் இயக்கும் புதிய படத்தில் ஜூனியர் என்.டி.ஆர். நடிக்க உள்ளார்.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்