ட்ரோன் தாக்கியதில் நடிகர் விஷ்ணு மஞ்சு காயம்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

31 அக், 2023 - 11:10 IST

எழுத்தின் அளவு:

Actor-Vishnu-Manju-injured-in-drone-attack

தெலுங்கு திரையுலகில் சீனியர் நடிகரான மோகன் பாபுவின் மகன்களில் மூத்தவர் நடிகர் விஷ்ணு மஞ்சு. கடந்த வருடம் தெலுங்கு திரையுலக நடிகர் சங்க தேர்தலில் போட்டியிட்டு தலைவராகவும் மாறினார். தற்போது தனது திரையுலக வரலாற்றிலேயே மிகப்பிரமாண்டமான பொருட்செலவில் எடுக்கப்பட்டு வரும் கண்ணப்பா என்கிற படத்தில் கதாநாயகனாக நடித்து வருகிறார் விஷ்ணு மஞ்சு. இந்த படத்தை அவரது தந்தை மோகன்பாபுவே தயாரிக்கிறார். இந்த படத்தின் படப்பிடிப்பு கடந்த செப்டம்பர் மாதத்தில் இருந்து நியூசிலாந்தில் நடைபெற்று வந்தது.

இந்த நிலையில் சமீபத்தில் படப்பிடிப்பில் ட்ரோன்களை பயன்படுத்தி சில முக்கியமான காட்சிகளை படமாக்கி வந்தனர். அப்போது விஷ்ணு மஞ்சுவிற்கு அருகில் சென்று அவரது குளோசப் காட்சிகளை படமாக்க முயன்றபோது ட்ரோனின் இறக்கைகள் சுற்றியதில் விஷ்ணு மஞ்சுவின் புஜங்களில் அடிபட்டு காயம் ஏற்பட்டது. இதனைத் தொடர்ந்து படப்பிடிப்பு நிறுத்தப்பட்டு மருத்துவமனையில் சிகிச்சைக்காக அனுமதிக்கப்பட்டார் விஷ்ணு மஞ்சு. மருத்துவர்களின் கண்காணிப்பில் ஓரிரு நாட்கள் அவர் சிகிச்சையும் ஓய்வும் பெற வேண்டி இருக்கிறது என்பதால் படப்பிடிப்பு தற்காலிகமாக ரத்து செய்யப்பட்டுள்ளது.

Vishnumanchu

Kannappa

கருத்துகள் (0) கருத்தைப் பதிவு செய்ய

நீண்ட இடைவெளிக்குப் பின் தனுஷ் - ...

தமன்னாவுடன் நடனம் ஆடப்போகிறீர்களா? - ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய