Dinamalar

மும்பையில் அபார்ட்மென்ட் வாங்கிய அக்ஷரா ஹாசன்

நடிகர் கமல்ஹாசனின் இளைய மகள் அக்ஷரா ஹாசன். அவரும் அக்கா ஸ்ருதிஹாசனைப் போல மும்பையில் செட்டிலாகிவிட்டார். கமல்ஹாசனின் இரு மகள்களான ஸ்ருதி, அக்ஷரா இருவரும் சென்னையில் பிறந்து வளர்ந்தாலும், கடந்த சில வருடங்களாக தங்கள் வசிப்பிடத்தை மும்பைக்கு மாற்றிவிட்டனர்.

ஸ்ருதிஹாசன் அங்கு ஒரு அபார்ட்மென்ட்டில் அவரது காதலருடன் வசித்து வருவதாக ஒரு தகவல். 37 வயதைக் கடந்தாலும் இன்னமும் திருமணம் செய்து கொள்ளாமல் இருக்கிறார். அவரது தங்கை அக்ஷராவும் 30 வயதைக் கடந்தவர். அக்ஷ்ரா அப்பாவின் படங்களில் உதவி இயக்குனராகவும் வேலை பார்த்தவர். தமிழில் 'விவேகம், கடாரம் கொண்டான்' ஆகிய படங்களில் நடித்துள்ளார். விஜய் ஆண்டனியுடன் அவர் நடித்து முடித்துள்ள 'அக்னி சிறகுகள்' படம் இன்னும் வெளிவராமல் இருக்கிறது.

அக்ஷரா தற்போது மும்பை புறநகர் பகுதியான கர் என்ற இடத்தில் 15 கோடி ரூபாய் மதிப்புள்ள அபார்ட்மென்ட் ஒன்றை வாங்கியுள்ளாராம். 3 கார் பார்க்கிங் கொண்ட அந்த வீட்டிற்கு பதிவுத் தொகையாக மட்டும் ஒரு கோடி ரூபாய் செலுத்தியுள்ளார் எனத் தகவல்.

ஸ்ருதியும், அக்ஷராவும் அவ்வப்போது அவரது அப்பா கமல்ஹாசனை சென்னைக்கு வந்து சந்தித்துவிட்டு மீண்டும் மும்பை சென்றுவிடுவது வழக்கம்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  தேசிய விருதுகள் எப்படி வழங்கப்படுகிறது? ஜூரிகள் குழுவில் இடம்பெற்ற ...
• 
  நடிகர் மதன் பாப் உடல் தகனம்
• 
  நான்காவது முறையாக இணையும் அஜித், அனிருத் கூட்டணி!
• 
  ‛கிஸ்' படத்தின் ரிலீஸ் தேதி குறித்து புதிய தகவல் இதோ!
• 
  ‛கில்' படத்தின் தமிழ் ரீமேக்கில் ஹீரோ, வில்லன் யார் தெரியுமா?