Dinamalar

சிலருக்கு கடைசிப் படமாகிப் போன 'இந்தியன் 2'

ஷங்கர் இயக்கத்தில், அனிருத் இசையமைப்பில், கமல்ஹாசன், சித்தார்த், எஸ்ஜே சூர்யா, காஜல் அகர்வால், ரகுல் ப்ரீத் சிங், பிரியா பவானி சங்கர் மற்றும் பலர் நடிப்பில் உருவாகி வரும் 'இந்தியன் 2' படத்தின் அறிமுக வீடியோ ஒன்று நேற்று தமிழ், தெலுங்கு, கன்னடம், மலையாளம், ஹிந்தி ஆகிய மொழிகளில் வெளியானது. தமிழ் வீடியோ 50 லட்சம் பார்வைகளைக் கடந்துள்ளது.

'இந்தியன் 2' படம் 2019ம் ஆண்டே ஆரம்பமானது. கிரேன் விபத்து, கொரோனா தாக்கம், தயாரிப்பாளர், இயக்குனர் பஞ்சாயத்து என பல்வேறு தடைகளைக் கடந்து இப்படத்தின் படப்பிடிப்பு ஓரளவுக்கு முடிந்தது. நேற்று வெளியான வீடியோவில் மறைந்த நடிகர்கள் சிலரைப் பார்க்கும் போது வருத்தமாகவே இருந்தது.

'இந்தியன்' படத்தின் முதல் பாகத்திலேயே தனி முத்திரை பதித்த மலையாள நடிகர் நெடுமுடி வேணு, காமெடி நடிகர் விவேக், மனோபாலா ஆகியோர் 'இந்தியன் 2' அறிமுக வீடியோவில் இடம் பெற்றுள்ளனர். மற்றொரு மறைந்த நடிகரான மாரிமுத்துவும் இப்படத்தில் நடித்துள்ளார். இப்படம் அடுத்த ஆண்டு கோடை விடுமுறையில் வெளியாகப் போவதாகச் சொல்கிறார்கள். மறைந்த நடிகர்களாக இருந்தாலும் ரசிகர்கள் மனதில் இடம் பிடித்த அவர்களின் கடைசிப் படமாக 'இந்தியன் 2' படம் இருக்கப் போகிறது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...