Dinamalar

மீண்டும் 'பிரிண்ட்' மூலம் சினிமா திரையிடல்…!

டிஜிட்டல் யுகத்தில் அனைத்துமே டிஜிட்டல் மயமாகிவிட்டது. அதற்கு சினிமாவும் விதிவிலக்கல்ல. இப்போதெல்லாம் டிஜிட்டல் புரொஜக்டர்கள் மூலமாகத்தான் தியேட்டர்களில் திரைப்படங்களைத் திரையிடுகிறார்கள்.

பத்து வருடங்களுக்கு முன்பு பிரிண்ட்கள் என அழைக்கப்படும் பிலிம் ரோல் மூலம்தான் தியேட்டர்களில் திரையிடல் நடந்தது. பின்னர் படிப்படியாக டிஜிட்டல் புரொஜக்ஷனுக்கு மாறியது.

பிரிண்ட்களை வைத்து திரையிடல் நடந்த புரொஜக்டர்கள் பலவும் காட்சிப் பொருட்கள் ஆனது. ஆனால், சில தியேட்டர்களில் அந்த பிரிண்ட் புரொஜக்டர்களை தூக்கிப் போடாமல் அதே புரொஜக்ஷன் கேபினுக்குள் பாதுகாத்து வருகிறார்கள்.

பிரிண்ட்களில் வெளியான சில முக்கியமான படங்கள் மட்டும் ரீ-ரிலீஸ் செய்வதற்காக டிஜிட்டலில் மாற்றப்பட்டு, அதன் ஆடியோ தரமும் உயர்த்தப்பட்டு டிஜிட்டல் புரொஜக்ஷனாக திரையிடப்பட்டது. அப்படி டிஜிட்டலுக்கு மாற்றப்படாத படங்கள் மட்டுமே ஆயிரக்கணக்கில் இருக்கிறது.

எவ்வளவுதான் டிஜிட்டல் வந்தாலும் பழைய பார்முலாக்களின் மகத்துவமே தனி. இப்போதைய ரிலீஸ் டிரெண்டில் சில பழைய படங்களை அதே பிரிண்ட்கள் மூலம் பிரிண்ட் புரொஜக்டர்கள் மூலம் திரையிட உள்ளார்கள்.

சென்னையில் உள்ள கமலா தியேட்டர் விஜய், ஷாலினி நடித்து 1997ம் ஆண்டு வெளிவந்த சூப்பர் ஹிட் படமான 'காதலுக்கு மரியாதை' படத்தை அடுத்த வாரம் பிப்ரவரி 23ம் தேதி திரையிட உள்ளது. அதோடு அஜித், சிம்ரன் நடித்து 1999ம் ஆண்டு வெளிவந்த சூப்பர் ஹிட் படமான 'வாலி' படத்தையும் அதே நாளில் திரையிட உள்ளதாகவும் அறிவித்துள்ளது. இரண்டு படங்களுக்கான கட்டணம் ரூ.69 மட்டுமே என்றும், இதை தல, தளபதி டே என்றும் தெரிவித்துள்ளார்கள்.

மற்றொரு தியேட்டரான ஜிகே சினிமாஸ் மார்ச் மாதம் விருகம்பாக்கத்தில் உள்ள அவர்களது தியேட்டரில் பிரிண்ட் புராஜக்டர், டிடிஎஸ் மூலம் 'பிளேபேக் பெஸ்டிவல்' நடத்தப் போவதாகவும், அதற்கான கட்டணம் ரூ.50 என்றும் அறிவித்துள்ளது.

பழைய படங்களுக்கான மார்க்கெட் ஒன்றும், அதற்கான ரசிகர்களும் தற்போது புதிதாக உருவாகி வருகிறார்கள். சென்னையில் நடக்கும் இந்த மாற்றம், மாநிலம் முழுவதும் மற்ற இடங்களிலும் பரவினால் பழைய படங்களை மீண்டும் பெரிய திரையில் தியேட்டர்களில் பார்க்கும் வாய்ப்புகள் கிடைக்கும்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா