Dinamalar

எஸ்பிபி-யின் 'ஏஐ' குரல் : வழக்கு தொடுத்த எஸ்பிபி சரண்

'ஏஐ' என அழைக்கப்படும் 'Artificial Intelligence' மூலம் மறைந்த பின்னணி பாடகர் எஸ்பி பாலசுப்ரமணியத்தின் குரல் மூலம் பாடல் ஒன்றை பயன்படுத்திய 'கீடா கோலா' பட இயக்குனர் மீது எஸ்பிபி சரண் வழக்கு தொடர்ந்துள்ளார்.

முன் அனுமதி பெறாமல் இப்படி தனது அப்பாவின் குரலைப் பயன்படுத்தியதற்காக எஸ்பிபி சரண் சார்பாக அவரது வழக்கறிஞர் கவிதா தீனதயாளன் வக்கீல் நோட்டீஸ் ஒன்றை படக்குழுவிற்கு அனுப்பியுள்ளனர்.

“சரண் மற்றும் அவரது குடும்பத்தினர், ரசிகர்கள் இப்படி எஸ்பிபி அவர்களின் குரலை ஏஐ மூலம் பயன்படுத்துவதை அன்பின் வெளிப்பாடாகவே பார்க்கிறார்கள். அதேசமயம் அதை வியாபார ரீதியாகவோ, படங்களிலோ பயன்படுத்துவதுதான் சிக்கலை உருவாக்குகிறது. சமீபத்தில் இசையமைப்பாளர் ஏஆர் ரஹ்மான் அதை சரியான முறையில் பயன்படுத்தியிருந்தார். மறைந்த பாடகர்களின் குடும்பத்தினரிடம் அனுமதி பெற்று, சரியான அங்கீகாரமும் கொடுத்துள்ளார். ஆனால், ‛கீடா கோலா' குழுவினர் எந்தவிதமான முன் அனுமதியையும் பெறவில்லை, எந்தவித அங்கீகாரமும் கொடுக்கவில்லை.

நாங்கள் படக்குழுவிடம் மன்னிப்பையும், 1 கோடி ரூபாய் ராயல்டியும் தர வேண்டும் எனக் கேட்டுள்ளோம். சட்டத்திற்குப் புறம்பாக இப்படி மறைந்த பாடகர்களின் குரலை ஏஐ மூலம் பயன்படுத்துவதற்கு நாங்கள்தான் முதலில் வழக்கு தொடுக்கிறோம் என நினைக்கிறேன்.

இதற்கு முன்பு பல பேட்டிகளில் இப்படி ஏஐ மூலம் எஸ்பிபி அவர்களின் குரலைப் பயன்படுத்தியது குறித்து பேட்டி அளித்த படக்குழுவினர், தற்போது முழுவதையும் நிராகரித்துள்ளது ஆச்சரியமாக உள்ளது.

தருண் பாஸ்கர் இயக்கியுள்ள 'கீடா கோலா' படத்திற்கு விவேக் சாகர் இசையமைத்துள்ளார். இப்படம் கடந்த வருடம் நவம்பர் மாதம் தெலுங்கில் வெளியான ஒரு படம்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா
• 
  'பராசக்தி' படத்தின் இசை வெளியீட்டு விழா, எங்கே, எப்போது?
• 
  ரிலீசில் ரிகார்டு!: வசூலில் பெரும்பாடு: தமிழ் சினிமாவில் ரூ.2000 கோடியை ...