Dinamalar

ரஜினி 171 தலைப்பு 'கூலி' - 'ரெட்ரோ' லுக்கில் அசத்தும் ரஜினிகாந்த்

லோகேஷ் கனகராஜ் இயக்கத்தில் ரஜினியின் 171வது படத்தின் தலைப்பு 'கூலி' என அதிகாரப்பூர்வமாக அறிவிக்கப்பட்டுள்ளது. இப்படத்திற்கு அனிருத் இசையமைக்கிறார். இதற்கான தலைப்பு அறிவிப்பு வீடியோ சற்று முன் வெளியிடப்பட்டுள்ளது.

ஒரு தங்க குடோனில் சிலர் தங்கத்தையும், ஆபரணங்களையும் அடுக்கிக் கொண்டிருக்க அங்கு அதிரடியாக என்ட்ரி கொடுத்து அவர்களை அடித்துப் போட்டு அந்த தங்கக் கட்டிகள் மீது ஹாயாக படுத்துக் கொண்டு சிரிக்கிறார் ரஜினி. அவரது வருகையை யாரோ ஒருவர் போனில் சொல்ல, கடைசியில் அவரிடமே போனில் பேசி ரஜினி சிரிக்கும் அந்த சிரிப்பு வில்லன் சிரிப்பா, நாயகன் சிரிப்பா என பட்டிமன்றம் நடத்த வேண்டும்.

'நினைத்தாலே இனிக்கும்' படத்தில் இடம் பெற்ற பாடலான 'சம்போ சிவசம்போ' பாடலில் இடம் பெற்ற கண்ணதாசனின் வரிகளான...

“அப்பாவும் தாத்தாவும்
வந்தார்கள் போனார்கள்..!!
தப்பென்ன சரியென்ன
எப்போதும் விளையாடு..!!
அடப்பாவி என்பார்கள்
தப்பாக நினைக்காதே..!!
எப்பாதை போனாலும்
இன்பத்தை தள்ளாதே..!!
சோறுண்டு, சுகமுண்டு..
மதுவுண்டு மாதுண்டு..
சோறுண்டு
சுகமுண்டு மனமுண்டு என்றாலே
சொர்க்கத்தில் இடம் உண்டு...
போடா,”

என்ற வசனம் பேசி அந்த அடியாட்களைப் பந்தாடுகிறார். வசனம் பேசி முடித்த பின், ரஜினி, பூர்ணிமா ஜெயராம் நடித்து வெளிவந்த 'தங்கமகன்' படத்தில் இடம் பெற்ற இளையராஜா இசையமைப்பில், வந்த ''வா வா பக்கம் வா” பாடலை பயன்படுத்தியுள்ளார் அனிருத்.

இதற்கான வீடியோவில் தொழில்நுட்பக் கலைஞர்களின் பெயர்கள் மட்டுமே இடம் பெற்றுள்ளன.

80களின் பாடல் வசனம், 80களின் பாடலின் பின்னணி இசை என 'ரெட்ரோ' டைப்பில் அந்தக் கால ரஜினியைப் பார்த்த பரவசத்தை ஏற்படுத்துகிறது இந்த வீடியோ.

டைட்டில் லுக் வீடியோ லிங்க் : https://www.youtube.com/watch?v=6xqNk5Sf5jo

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  ஜூன் 13ல், 500 தியேட்டர்களில் படை தலைவன் ரிலீஸ்
• 
  டூரிஸ்ட் பேமிலி : கன்னட நடிகர் சுதீப் பாராட்டு
• 
  ஜனநாயகன் படத்தின் தமிழக தியேட்டர் உரிமையில் கடும் போட்டி
• 
  அர்ஜுன் தாஸின் நீண்ட நாள் கனவு நனவாகியது
• 
  ஹாலிவுட் யுனிவர்ஸ் பாணியில் உருவாகும் பென்ஸ் : இயக்குனர் பாக்யராஜ் ...